اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

ءومىرى بار قازاققا ونەگە ەدى

By ناۋرىز 28, 2018 405 0

قازاقتىڭ قاس باتىرى ەرجانىبەك بەرداۋلەتۇلىنا ارناۋ

دالانىڭ دالدا بولىپ بۇتا- بۇرگەنەگى،
جار جاعالاپ، جىلعادا جاۋ جۇرگەن ەدى.
قارا تۇندە قىرقادان قاسقىر ۇلىپ،
يەسىز يتتەر شۋلاپ ۇرگەن ەدى.

قىلىشىنىڭ قانى تامىپ قىر گۇلىنە،
قازاققا قالماق قىرعىن قىلدى مىنە.
سول زۇلماتتىڭ كۋاسى ۇلى دالام،
ەدىل، ەرتىس، ەڭىرەيدى جىر قىپ ىلە.

كىرپى تۇك، اجداھا ازۋ، جىلان قاباق،
قاندى كورگەن قورقاۋداي شۇناڭ قاعات.
بەيمارال، بەيقام ەلگە بۇيىدەيىن،
«ۇرانقايلار» ۇرىن ءتيدى، ۇرانداپ- اق.

ساۋىن ايتىپ، سايلاندى سايىپ قىران،
حان كوتەردى ابىلايدى «جايىپ قۇران».
بوزداقتار ءبىر جاعادان باس شىعارىپ،
سايىن دالا توسىندە سايىس قىلعان.

ءبىر سوعىستا شۋلاپ جوڭعار باقادايىن،
سانى باسىم، سايلانعان ساقادايىن.
قورشادى قاپىن تاۋىپ قازاق قولىن،
«اباعىنان ايىرىپ، اشامايىن».

ابىلايدى توپتان ءبولدى جولىن كەستەپ،
توز- توز قىلىپ قازاقتىڭ تونىن شەشپەك.
«يەسىز ەل – يلەۋگە يكەمدى عوي»،
حانىن قۇرتىپ، قازاقتىڭ قولىن كەسپەك.

اياعى اقساپ، ابىلايدىڭ ارعىماعى،
جاۋ جالاڭداپ، جولىندا جار قۇلادى.
حان باسىنا قاتەر تونگەن قاپەلىمدە،
جاس جانىبەك جىگەرىمەن تاڭ قىلادى.

جاپىرىپ، جولدا جاۋىن جايراتادى،
قالماقتىڭ قانىن تاسقا قايناتادى.
ەل يەسىز قالماسىن دەپ ابىلايعا،
اتىن بەرىپ جاسادى ايلا- شارعى.

حولان، دولان قالماقتىڭ «قوس قىرانى»،
ساۋىتى ساي، سايگۇلىگى وسقىرادى.
جابىلىپ جانەكەڭمەن جۇلىسام دەپ،
قوس قالماقتىڭ تىنىسى، حوش- تىنادى. . .

كوك دونەن كوكتەي ءوتىپ كۇرەڭ بەلدى،
جەتە الماي جاۋى سوڭنان سۇمەڭدەدى.
قاشقان قولىن قايتا قۇراپ حان ابىلاي،
تۇرە شاۋىپ، ەسەبىن تۇگەندەدى.

جانەكەڭ جاستىق كورمەي جار قۇلاعى،
كوك دونەنى حان قۇتقاردى ارعىماعى.
«قاشپاعان ەش ۇرىستان. . . »،
ەر جانىبەك،
زالىمعا، ءزاردىڭ سۋىن زار قىلادى.

تاعى بىردە حالدان قالماق سالىپ ايلا،
باتىرىڭ بارما دەدى ابىلايعا.
«نويانىمدى نوقتالاسا كەرى قايتام،
جەڭىلسە جەردى بەر دەپ جارىم ايدا».

ءبىر بويىندا كۇشى بار ون قالماقتىڭ،
جۇلقىنىپ شىقتى نويان جوڭعار جاقتىڭ.
قان مايداندا جانىبەكپەن سالدى سۇرەن،
قونىسىن قازاقتىڭ قولعا الماق تىم.

سىنالار ءدال وسىنداي، مايداندا ەر شىن!
ۇلت نامىسىن جانىبەك قايدان بەرسىن.
جوڭعار سەنگەن نوياندى جەر قۇشتىرعان،
جانىبەكتى كوكجال دەمەي، قانداي دەرسىڭ؟ !

ساۋساق جەتپەس ساناساڭ ەرلىگىنە،
جەتى داستان جەتىپتى بەرگى كۇنگە.
ساپتاياعى ساقتالىپ جەتىسۋدا،
قارا ەرتىس كۋا بوپتى كەزدىگىنە.

ەر جانىبەك بولىسپەسە ءبىر كەسەنى،
ەر اتانىپ ەلىنە جۇرمەس ەدى.
تۋىن ۇستاپ بىرلىكتىڭ، تۇعىرى نىق،
ەتىگىمەن ەرلەر سۋ ءبىر كەشەدى.

ەر بولماسا جانىبەك ەلدەن ەرەك،
تەلمىرىپ كىم «جەتى جىر» تەرمەلەمەك؟ !
ەر بولعاسىن جانىبەك ەلدەن ەرەك،
حان ابىلاي تۋ ۇستاتىپ، سەنگەن بولەك.

ءسوز سۇلەيى، بولماسا ول ەلدەن بولەك،
ءبىر ۇلىس ەرمەس ەدى جەر كوبەلەپ.
ءسوز ساراسى، ەل داناسى بولعانى ءۇشىن،
ورىن بەرىپ، ابىلاي كەلگەن ەلەپ.

ەر جانىبەك ءوز ءامىرىن سىيلاماسا،
جانىن تىگىپ ولىمگە قىيناماس، ءا؟ !
كوكجال ەر كوتەرىپ كوككە كوسەمىن،
ساۋاپتى اقىرەتتىك جىيعان اسا.

قيىندىقتا قينالىپ، تورىقپايسىز،
بال اشىپ، باقسىعا ءتۇس جورىتپايسىز.
قولقالاپ حالقى وسىلاي سۇراۋ سالدى،
قالاي عانا قالىڭ جاۋدان قورىقپايسىز؟ !

جانەكەڭ سوندا بىلاي ءسوز الادى:
«ەل جىلاسا قانداي ەر توزە الادى؟ !
قورقىپ قايتەم، جازمىشتان وزمىش جوق، ء–
وزى بەرگەن جاندى اللام، ءوزى الادى».

اللاعا ارناماسا امالىن دا،
بۇزا الماس ەد، جاۋدىڭ ەش قامالىن دا.
قۇدايىم دەپ قۇستاي ۇشتى قاس باتىر،
اللاسىنىڭ اسىعىپ جامالىنا.

جاۋىنا ارىستانداي اتىلاتىن،
قۇدايعا قۇلدىق قىلىپ باس ۇراتىن.
جانەكەمنىڭ ءومىرى ونەگە عوي،
حاق جولىنا بار قازاقتى شاقىراتىن.

 بىرلىك توقاي.

بۇل شىعارلىمعا باعاڭىز
(1 داۋىس)

Latest Tweets

@envato_help Dear ticket id: 1266898. No one answering the ticket. 2 days without a solution. Please, check.
Insurance Agency Joomla Business Template on #Themeforest https://t.co/GKqY99ixQX https://t.co/WgAaR3wDBc
GeoBin - Digital Marketing Agency, SEO WordPress Theme Updated on #Themeforest https://t.co/drKfnOA82e https://t.co/lR8UFr7zPp
Follow Themewinter on Twitter
Яндекс.Метрика