اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

تاساتقىشتار

By Шілде 12, 2018 345 0

الدىق پا الىستاعى جاتتان ۇلگى،
ايران بوپ ابىرويلار اقتارىلدى.
الاشتىڭ ارىستارىن اتقىزاتىن،
ۇرپاعى ساتقىنداردىڭ اتقا ءمىندى.

«باتىر! » دەپ، «باعىلان! » دەپ قۋدى جامان،
بىلمەيمىن، بۇل نە دەگەن تۋدى زامان؟
قازاقستان – بەيبىت ەل قارۋى جوق،
بىراقتا، ءار قولدا ءجۇر ۋلى قالام.

شىعارىپ ءار جاعادان ەكى باستى،
تاس- تالقان ەتتىك ءتاۋىر قاتىناستى.
الەۋمەتتىك جەلى اشىپ بەرىپ بىزگە،
نالەتى ايار جاۋدىڭ اقىلى استى.

تۇزەلمەي قيسىق ءىنى، قىڭىر اعا،
سەمىردى جىنى سىيماي قۇمىراعا.
اعىمنىڭ ارامىزعا مىڭىن تىعىپ،
ەتىپتى- اۋ كەلە الماستاي ىمىراعا.

ارزان داڭق قۋىپ تىلدەر سالاقتادى،
جاۋ ىزدەپ قىزىل كوزدەر الاقتادى.
بولىپ ءجۇر قانداي نيەت باۋىرلاردا،
فەيسبۋكتان اشقان كەزدە پاراقشانى؟

جۇرت ەدىك كەشە عانا سەزىمى ىستىق،
تاپپادىق تىنىشتىقتان بەزىنىپ تۇك.
ايتۋدى ءاربىرىمىز تەز ۇيرەنىپ،
تىڭداۋدى بارلىعىمىز تەز ۇمىتتىق.

ءار قازاق بولعاننان سوڭ «ءبىلىمدى اسقان! »،
ءبىلىمىن يگەرە الماي ىرىلداسقان.
جەلىنىڭ جازبالارىن وقىعان كوز،
وتە الماي ءجۇر سوقتىقپاي، ۇرىنباستان.

اركىمنىڭ كەسەك اتىپ شارباعىنا،
وشىگۋ بولدى ومىردە بار ماعىنا.
ايتقانداي اباي اتا، قايران قازاق،
شىنىمەن ەل بولۋدان قالعانى ما؟

قاشانعى جاۋ ايتادى بۇكىل ءاندى؟
قازاقتىڭ قاشپاعان قاي قۇتى قالدى؟
باۋىرلار قويا الا ما، ەرتەلى- كەش
ءبىرىنىڭ ارتىن ءبىرى شۇقىعاندى؟
جورنالشى، جازۋشىسى، اقىندارى. . .
جەندەتتى شاقىرۋعا ماقۇل ءبارى.
بيلىككە ءبىر ستالين كەلە قالسا،
دايىن تۇر تالاي قازاق اتىلعالى.

جۇرت بولدىق وڭدىرمايتىن ويلاپ تا ونشا،
تىنبايتىن جاقىندارىن جايراتقانشا.
قازاقپەن ەندى ەشكىم سوعىسپايدى،
جەتەدى ءبىر- بىرىنە قايراپ سالسا.

توياتىن تەك تەنتەكتىك ىسپەن كوڭىلى،
وزگەنىڭ الاڭداتىپ ىشكەرگى ءومىرى،
اعايىن، اينالايىن، قويايىقشى،
ء«ار قازاق – دۇشپانىم! » دەپ تىستەنگەندى.

جاۋ شاپپاي سىرتىڭنان دا، ىشىڭنەن دە،
باسپاي ما ورگە قاراي ءىسىڭ دەمدە،
ءار قازاق قاراشادان حانعا دەيىن،
ءمىنسىز جان بولمايتىنىن تۇسىنگەندە.

قور قىلعان زامانىنىڭ زاڭعارلارىن،
مال قىلعان ماڭىراتىپ قالعاندارىن.
بىلمەگەن ءسۇيىنۋ مەن ءسۇيسىنۋدى،
كۇندەگەن وزا شىققان وعلاندارىن.

الاشتىڭ سورعالاتىپ سورعان قانىن،
وتاننىڭ وتاعان كىم ورماندارىن؟
سىپىرعان قازاعىمنىڭ قايماقتارىن،
كىم كوردى سول يتتەردىڭ وڭعاندارىن؟

جازعىشتار، بالە باققان، جالا جاپقان،
وسى ولەڭ، ءبىل، وزىڭە جولدانعانىن!
توقتات تا قانداسىڭا تاس اتقاندى،
قالاۋىڭ كەرەك قازاق ەل بولعانىن!
ءبارىن ءسۇي، ءبارىن ماقتا، جەڭ ءناپسىڭدى،
ۇلت ءۇشىن كەرەك سەنىڭ كەڭ بولعانىڭ!

سەرىك قاليەۆ

بۇل شىعارلىمعا باعاڭىز
(2 داۋىس)
Ad Sidebar
Яндекс.Метрика