اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

بىرلىك توقاي ولەڭدەرى

By ناۋرىز 28, 2018 381 0

تامىر

يگى يمان كىلەگەيى كىلكىگەن،
– ىزگىلىكتىڭ ءىزىن كوردىم ىلكىدەن.
الميساقتان قول قۋسىرىپ قۇدايعا،
سۇعاناقتىڭ سۇبەسىن سوگىپ، سىلكىگەم!
«الا قاپتىڭ اۋزىن اشسام»، ارىدا —
التى الاشىم — تۇنىق تەكتى تۇركىدەن.

سۇركىتكەن سايتاننىڭ سۇپى سۋىعىن،
تويات تاپتىم تاريحتىڭ تاتىپ ۋىزىن.
شىندىقتىڭ كوتەرگەن شاڭىراعىن،
ۇلى دالا ۇلاندارى – ۋىعىم.
الاش تۋى استىنا سەرتىن بايلاپ،
سوكەڭ ءسوزدىڭ سۇزگەن سۇڭكى تۇنىعىن.

كەرەگەسىن كەرگەن كەڭگە كەشەگى،
كوڭىلى كولدەي كوسەمدەرىم كوشەلى.
ەرەۋىل اتقا ەر سالعان ەسىل ەرلەر،
بار قازاققا بەدەلى بايلى، بەس ەلى.
جارتاستى جارىپ شىققان توشالاداي،
ۇراندارى قارا قىلدى قاق كەسەدى.

ىلگەرىدە ءىزىم قالعان — ءىرىمىن،
مەن قازاقپىن، بايتەرەكتىڭ ءبۇرىمىن.
ارمەن تاپقان اقىرەتتىك ازىعىن،
الاشپىن مەن!
مۇسىلماننىڭ ءبىرىمىن.
بويىمدا بار ايبىنى ارىستاردىڭ،
جاھۇت جىرىم — جالعاسى جىراۋ جىرىنىڭ.

ساپتاياق سابىنان قاراۋىل قارادىم،
قاقىراتتىم قانقۇيلىنىڭ قامالىن.
كورىكتى كۇلىم كۇندى «كوكتەن ءۇزىپ»،
قىرانمىن، قاناتىما قادادىم.
كوك تۋىممەن كومكەرەم كوكجيەكتى،
حاق جولىنان قالت كەتپەگەي قادامىم.

ءدىنىم — دىڭگەك،
ءتىل مەن ءداستۇر — قالقانىم،
قاعبا — قازىق،
قۇران — قۇرساۋ- ارقانىم.
نۇعمان يبن نىعمەت جولىن نىق ۇستاپ،
سۇننەت ءۇشىن سۇلدەرىمدى سارقامىن.
الاشىمنىڭ اق ارمانىن ارقالاپ،
تۋرالىققا، تەرەڭ تامىر تارتامىن! ! !

مەن الاشپىن

سان عاسىرلىق ساقتاپ سالتتى تۇركىدەگى،
رۋحى – ۇلى ولكەنى سىلكىلەدى.
الاشتىڭ ارىستان جال ارىستارى،
ءىلتيپاتتى ىلكىدەگى ىركىپ ەدى.

بۋرا- بۋرا، بۇلىڭعىر بۇلتتى كوردىم،
بۇلتتان ارى ۇلىلىقتى، ۇلتتى كوردىم.
اسپاننان الاشىمنىڭ – ارعىماعىن،
ورداسى ورىن تەپكەن جۇرتتى كوردىم.

كوردىم دە، كەۋدەمدى كىل كۇش كەرنەدى،
باستىم بىردەن بەدەرلى ءۇش پەرنەنى.
بۇرشاق ۇرعان بۇتاداي بۇرىسپەيىن،
ءدىنىم، ءدىلىم، ءتىلىم باستار ىسكە مەنى.
الاش تۋىن تۇعىردان تۇسىرمەسەم،
بوگدە بىرەۋ بولە الماس ۇشكە مەنى.

ۇلت بوپ ۇيۋ – ارمانى ەد، ارىستاردىڭ،
كەرى كەتىپ كەلمەيدى قالىس قالعىم.
كۇن سونگەنشە سونبەيمىن تۋ استىندا،
ۇلى ۇرانعا مەن- داعى جابىسقانمىن.

ۇلى ۇرانعا مەن- داعى جابىسقانمىن،
ۇلتسىزدىقپەن الىسقان – الىسقانىم!
قاعىمنان جەرىمەيمىن، قاي- قاشان دا،
الاشپىن مەن!
قۇرساقتا تانىسقانمىن! ! !

جاراتقاننىڭ جارشىسى – پايعامبارىم

جاراتقاننىڭ جارشىسى – پايعامبارىم،
ۇمبەت ءۇشىن ۇلگىنىڭ جايعان باعىن.
اق- قارانىڭ انىعىن ايىرماساڭ،
بەرەكەنىڭ بىلەر ەدىك قايدان ءنارىن؟ !

جاراتقاننىڭ جارشىسى – راسۋلىم،
تۋىن تىكتەپ ءتورت تۇعىردا تۇراتۇعىن.
ارداقتىسى ادامزاتتىڭ اسىل تەكتى،
جونەلتەيىن جوڭكىلگەن جىر اسىلىن!

كوزبەن كورىپ كەرەمەتتى ميعراجدا،
ۇمبەت ءۇشىن اكەلگەن سىيلىعى از با؟ !
ولشەۋسىز ونەگە عوي ءومىرى دە،
قۇدايعا قۇلدىق قىلار پيعىلى ازعا.

ازعىندىقتىڭ ادا قىپ ۇعىمىنان،
جەتكىزىپ ەڭ جاراتقاننان ۇلى قۇران.
تامىرىن تاس- تالقان قىپ تاعىلىقتىڭ،
قۇتقاردىڭ «قۇبىجىقتىڭ» قۇرىعىنان.

سايىپ قىران ساحابا- ساڭلاقتارىڭ،
تاعدىردىڭ تاتتىڭ تار جول، تاڭداقتارىن،
ىزگىلىكتىڭ ىرگەسىن ىرىتپەستەن،
شايناتتىڭ شايتاندارعا بارماقتارىن.

اقيقاتتىڭ جارشىسى، دارا شىڭىم،
وسيەتىڭ — ءومىرىم، قاراشىعىم.
حاق ءدىننىڭ قازىعىن قاعىپ كەتكەن،
ساعان سانسىز سالاۋات، ءيا، راسۋلىم! ! !

اتا مەكەن، اسىل ەل

وي ورانىپ وتىرمىن وڭاشادا،
ءتاتتى ارمانىم تاڭىرگە جول اشا ما؟ !
تۇعىرىڭ نىق، تۋعان ەلىم تۋىڭ بيىك،
تالاي توبىر تاريحتا توناسا دا.

شومىلعاي، شىرايلى ولكەم نۇرعا لايىم.
تۋعان جەرگە تۋ تىگىپ، جىر قادايىن!
قالامىمنىڭ ءسياسىن سىرعا مالىپ،
اتامەكەن الابىن سۋعارايىن.

اتامەكەن، اردا ولكە، ءساندى دالام.
ء(شيدىم قۇستىڭ) ىزىڭىن «ءان» قىپ الام.
تۇيەڭنىڭ دە قۇمالاعى تەك جاتپايدى،
كەرەك دەسەڭ ول- داعى لاڭگى ماعان.

اتامەكەن، اسىل ەل – ارىم مەنىڭ،
بازارىم دا ءبىر ءوزىڭ، بارىم مەنىڭ.
باس- باسىڭا بەرەيىن «بايعازى جىر»،
«بايعازى ولەڭ» –
بويىمداعى «قانىم مەنىڭ».

اتامەكەن – ايبىنىم، كوشەلى ەلىم،
كوركەيگەنىڭ- كوگەرگەنى كوسەگەمنىڭ.
بارىس بولشى، بالبىراپ كوز ىلگەندە،
كوگال بولىپ كەۋدەڭە توسەلەمىن.


ءوزىم قوتىر وزگەنى تىرنامالىق


جۇقارعان ۇزىلەردەي جۇيكەلەرى،
پەندەمىز، پەرىشتەلەر بۇيتەمە ەدى؟ !
ءوز- ءوزىڭدى سيلاعىن، ويتبەگەندە،
شاڭ بورباي شايتان كەلىپ سۇيكەنەدى.

جۇرەگىمدى جوڭكىلگەن جىرعا مالىپ،
ءوز ايناما قويايىن ءبىر قادالىپ.
قۇلىمىز ءبىر قۇدايدىڭ، ءبىر ۇمبەتپىز،
ءوزىم قوتىر وزگەنى تىرنامالىق.

تاسقا قاشاپ جازدىم جىر
قىزاي اناعا
عۇنداردىڭ عۇرپىن جالعاپ عاسىرلارعى،
ەلىم دەدى، ەلجىرەدى، جاسى قالدى.
قازاقى زەردىڭ زەرگەرى قىزاي انا،
عيبراتتى عيباداتقا عاشىق ارى.

جاۋلىعى جالاۋ بولىپ كەيىنگىگە،
جەلكەن بولدى بۇگىنگە دەيىن مىنە.
رۋ ەمەس، ۇلت اناسى – اسىل تەكتى،
قىزاي انا – ۇيىتقان ەلىن ىلە.

جاۋلىعى جالاۋ بولىپ جاۋجۇرەككە،
ۇرپاعى جاۋدى قۋعان تاۋلى بەتكە.
قارا قىلدى قاق بولگەن قىزاي انا،
قىرىق ۇيدەن قىڭىر شىعىپ داۋلىق ەتسە.

قىرسىقتاردى قيىپ تۇسكەن، قىڭىر باسسا،
داري بەرمەس دانالىعى جۇمىر باسقا.
ءدان مەن ءساننىڭ ساۋلەتى قىزاي انا،
ارناپ سىزگە جىر قاشايىن تۇعىر تاسقا.

بىرلىك توقاي.

بۇل شىعارلىمعا باعاڭىز
(2 داۋىس)
سوڭعى رەت وزگەرتىلگەن Сәрсенбі, 28 ناۋرىز 2018 14:28
Ad Sidebar

Latest Tweets

BiziPress Multipurpose Joomla Template updated to @Joomla 3.9.1 https://t.co/rWvwVNH5nr https://t.co/NMWeHyeeMQ
Vinazine - Joomla News Magazine Template updated with RTL and Boxed Layout. https://t.co/f5w59DraSF https://t.co/2L5pXfiOCy
RT @Kontar81: Breaking news ✌✌ https://t.co/o2vQGROBdS
Follow Themewinter on Twitter
Яндекс.Метрика