اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

شىڭجاڭدا "ۇيعىرلارمەن ارالاسقان" قازاقتاردى قاماعان

By ناۋرىز 14, 2018 292 0

شىڭجاڭدا "ۇيعىرلارمەن ارالاسقان" قازاقتاردى قاماعان
دينارا ءالىمجان

 

 

 


قىتايدىڭ سولتۇستىك- باتىسىنداعى شىڭجاڭ- ۇيعىر اۆتونوميالىق اۋدانىندا "مۇسىلمان ۇيعىرلارمەن جاقىن قارىم- قاتىناستا بولعان" ونشاقتى ەتنيكالىق قازاق تۇتقىندالعانى تۋرالى "ازات ءازيا راديوسى" حابارلادى. قىتاي بيلىگى بۇل ماسەلە جونىندە ساۋالدارعا جاۋاپ بەرمەيدى.

"ورازادا تاماق ىشۋگە ماجبۇرلەيدى"

قازاقتاردى ماۋسىمنىڭ 10- ى كۇنى شىڭجاڭنىڭ قاراماي قالاسىنداعى دۋشانزسى اۋدانىندا مەملەكەتتىك قاۋىپسىزدىك قىزمەتى وكىلدەرى ۇستاعان. "ازات ءازيا راديوسىنا" سۇحبات بەرگەن جەرگىلىكتى تۇرعىن تۇتقىندالعانداردىڭ ءبىرى 47 جاستاعى قاليبيات بايموللا، ەكىنشىسى- 49 جاستاعى قانجىتاي دوشان ەكەنىن ايتقان.

سۇحبات بەرۋشىنىڭ سوزىنشە، قازاقتاردى جەرگىلىكتى مۇسىلمان ۇيعىرلارمەن "تىعىز بايلانىس" ورناتقانى ءۇشىن ايىپتاعان. ء"پوليسيا كوپتەگەن ادامداردى ۇستادى، شاعىن اۆتوبۋس ادامعا تولى بولدى" دەگەن ول.

 

 

شىڭجاڭ ايماعىنىڭ تۇرعىنى كۇللى مۇسىلمان اۋىز بەكىتەتىن قاسيەتتى رامازان ايىندا قىتاي بيلىگى يسلام ءدىنىن ۇستانۋشىلاردى الا تاڭنان كەشكە دەيىن اڭديتىنىن، جەرگىلىكتى قازاقتار دا "قاتاڭ باقىلاۋدا" بولعانىن ايتادى.

"رامازان ايىندا تۇسكى اس كەزىندە ولار بارلىق مۇسىلمان قىزمەتكەرلەردى جيناپ، تاماق ىشۋگە ماجبۇرلەيدى"، - دەيدى ول.

قازاقستانعا قاتىناس قيىندادى

قىتايدا ەتنيكالىق ازشىلىق توپقا جاتاتىن، نەگىزىنەن شىڭجاڭ- ۇيعىر اۋدانىندا قونىستانعان قازاقتاردىڭ كوبى يسلام ءدىنىن ۇستانادى. بۇعان دەيىن ەتنيكالىق مۇسىلمان ۇيعىرلارعا قويىلعانداي شەكتەۋلەردى سوڭعى ۋاقىتتا قازاقتار دا سەزىنە باستادى. ولاردىڭ شىڭجاڭ ايماعىمەن كورشىلەس قازاقستانعا قاتىناۋى قيىنداپ كەتكەن.

وتكەن اپتادا ءۇرىمجى قالاسىنىڭ بيلىگى مەملەكەتتىك قىزمەتتەگى ەتنيكالىق ازشىلىققا جاتاتىندار مەن بيلىكتەگى كوممۋنيستىك ءپارتياسى مۇشەلەرىن ادالدىق تۋرالى انت بەرۋگە ماجبۇرلەگەن. بۇل تۋرالى قىتاي مەملەكەتتىك ءباسپاسوز قۇرالدارى ماۋسىمنىڭ 14- ءى كۇنى جازدى.

مەملەكەتتىك قىزمەتكەرلەر مەن ءپارتيا شەنەۋنىكتەرى اتەيستىك ۇستانىمداعى كوممۋنيستىك پارتياعا تاۋەلدى، ولارعا كەز- كەلگەن ءدىندى ۇستانۋعا تىيىم سالىنعان. سوندىقتان ولار پەكينگە ادالدىعىن دالەلدەۋ ءۇشىن رامازان ايىندا تاماق جەۋگە ءماجبۇر.

انت بەرۋشىلەر بيلىكتەگى ءپارتيانى ماداقتايتىن، قىتاي كوممۋنيستەرىنىڭ كوسەمى ماو Цزەدۋن داۋىرىنەن كەلە جاتقان "كوممۋنيستىك ءپارتياسىز قىتاي قايتا جاڭعىرمايدى" دەگەن مازمۇنداعى رەۆوليۋسيالىق ءانۇراندى شىرقاعان.

"ون جىلعا سوتتالدى"

رامازان ايىنداعى اڭدۋعا قوسا، شىڭجاڭدا قازاقتار مەن ۇيعىرلاردى باقىلاۋ، "تۇراقتىلىقتى ساقتاۋ" شارالارى بۇرىنعىسىنان دا كۇشەيتىلگەن.

 

 

 

 

جىل باسىندا وكان ەسىمدى تانىمال قازاق يمامى التاي ايماعىنىڭ حاباحە وكرۋگىندا قايتىس بولعان ادامدى يسلام داستۇرىمەن جەرلەۋ ءراسىمىن اتقارعانى ءۇشىن 10 جىلعا سوتتالعان. قازاق يمام شىڭجاڭنىڭ سانجي- حۋەي اۆتونوميالىق وكرۋگىندەگى اباقتىدا قايتىس بولعان، ءپوليسيا "ول ءوز- وزىنە قول سالدى" دەپ حابارلاعان.

قىتاي مەن قازاقستانداعى ەتنيكالىق توپ وكىلدەرىنىڭ ايتۋىنشا، شىڭجاڭدا كوپ جىلدار بويى ۇيعىرلارعا قولدانىلىپ كەلە جاتقان ءدىني شەكتەۋلەر ەندى قازاقتاردىڭ باسىنا دا تۇسكەن. ءداستۇرلى يسلام سوزدەرىن قازاقشالاپ تىلەك بىلدىرگەنى ءۇشىن بيلىك قىلمىستىق باپ بويىنشا ءىس قوزعاۋعا بار دەيدى ولار.

اقپان ايىندا قازاقستانمەن شەكارالاس ىلە قازاق اۆتونوميالىق وبلىسىندا بيلىك ۇلتى قازاق 22 جاستاعى ەشات ەسىمدى ازاماتتى ۇستاپ، WeChat الەۋمەتتىك جەلىسىن قولدانعانى ءۇشىن سوتتاپ جىبەرگەن. ەشات WeChat اككاۋنتى ارقىلى "سەپاراتيستىك، ەكسترەميستىك پىكىرلەر جازىپ، ەكسترەميستىك ءدىني يدەيالار مەن باسقا دا اقپاراتتار" تاراتقانى ءۇشىن جاۋاپقا تارتىلعان. بۇقارالىق اقپارات قۇرالدارىنىڭ جازۋىنشا، ەشات "وزىنە تاعىلعان ايىپتاردى مويىنداپ، قاتەلىگىن تۇسىنگەن".

ۇلتى قازاق دەرەككوزدىڭ ايتۋىنشا، ونى ىلە قازاق اۆتونوميالىق وبلىسى ەمين وكرۋگىنىڭ بيلىگى كوپشىلىكتەن جاسىرىن تۇردە 10 جىلعا سوتتاعان، قورعاۋشى نەمەسە وتباسىمەن كەزدەسۋىنە رۇقسات بەرمەگەن. "ازات ءازيا راديوسى" بۇل ادامنىڭ تاعدىرىن ءبىلۋ ءۇشىن وتكەن اپتادا ەمين وكرۋگىنىڭ حالىق سوتىنا تەلەفون شالعانىمەن، رەسمي ورگاننان جاۋاپ الا الماعان.

"ىقتييارحاتتى قايتارا باستادى"

سوڭعى كەزدەرى شىڭجاڭنىڭ التاي قالاسىنا جاقىن اراحاك ەلدىمەكەنىندە ءپوليسيا قىتاي پاسپورتىنا يە ەتنيكالىق قازاقتارعا قازاقستان ۇكىمەتى بەرگەن ىقتيارحاتتى قايتارا باستاعان. بۇل تۋرالى "Aزات ءازيا راديوسىنا" سۇحبات بەرگەن قازاقستاندىق تۇرعىن ايتقان.

ازاتتىق بۇعان دەيىن قىتايدان قازاقستانعا كوشىپ كەتكەن قازاقتاردىڭ شىڭجاڭدا تۇراتىن تۋىس- تانىستارى مەن قازاقستان ازاماتتىعىن الىپ، ول جاققا قايتا بارعان قازاقتاردىڭ جەرگىلىكتى بيلىكتىڭ "قىسىمىنا تاپ بولعانى" تۋرالى حابارلاعان. قىتاي وكىلى الگى اقپاراتتى جوققا شىعارعان.

"سىزدەر وسى اقپاراتتى قىتاي تىلىندە تاراتقان سوڭ بيلىك جاسقانعان بولۋى كەرەك، سەبەبى بۇل حالىقارالىق قۇقىق پەن باسقا زاڭعا قايشى عوي. حالىقارالىق رەاكسيا بولادى دەپ الاڭداعان ءتارىزدى. قازاقستان بەرگەن قۇجاتتاردى قايتارىپ بەرۋ ءۇشىن كۇنى- ءتۇنى جۇمىس ىستەپ جاتىر"، - دەگەن ول "ازات ءازيا راديوسىنا".

بۇل شىعارلىمعا باعاڭىز
(0 داۋىس)
سوڭعى رەت وزگەرتىلگەن Сәрсенбі, 14 ناۋرىز 2018 18:01

پىكىر قالدىرۋ

جۇلدىزشامەن (*) كورسەتىلگەن بارلىق قاجەتتى اقپاراتتى ەنگىزگەنىڭىزگە كوز جەتكىزىڭىز. HTML-كودقا جول بەرىلمەيدى.

اعىمداعى جاڭالىقتار

Ad Sidebar

تاريحي وقيعالار

Latest Tweets

SeoBin | Marketing Agency HTML Template updated with 2 new home https://t.co/mxLG1wKFPc https://t.co/w4arzHoAVx
RT @dhh: MailChimp is an inspiration! $300M+/year in revenues, profitable, based in Atlanta, NO VC. Wonderful. 🐒❤️ https://t.co/qmj0MNAQOo
Barrister - Responsive Law Business @joomla Template setup guide! https://t.co/GwqHcdxyDi https://t.co/qzEEldYie3
Follow Themewinter on Twitter

Post Gallery

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

قىتاي كەلىمسەكتەرى

گەرمانيا ۇكىمەتى سايراگۇل ساۋىتبايعا اراشا ءتۇستى.

باس مۇفتيگە اشىق حات

"قىتايداعى قازاق ماسەلەسى. سايراگۇل ساۋىتبايعا اراشا" اتتى ءباسپاسوز ءماسليحاتىنا شاقىرامىز

Яндекс.Метрика