اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

قىتايدا تۋىستارى قامالعانداردىڭ ارىزى جيىلەدى

By ناۋرىز 12, 2018 856 0

قىتايدا تۋىستارى قامالعانداردىڭ ارىزى جيىلەدى

 

الماتىعا قىتايدان قونىس اۋدارعان قازاقتار ءبىرىنىڭ بالاسى، ەكىنشىسىنىڭ اكەسى شىڭجاڭعا قىدىرىپ بارعاندا ۇستالىپ، سوتتالعاندارىن ايتادى. تۋىستارى ولارعا انىق نە ايىپ تاعىلعانىن دا بىلە الماي وتىر.

الماتى قالاسىندا تۇراتىن ساپيلا تاقاشقىزى 2002 جىلى قىتايدان قازاقستانعا قونىس اۋدارعان. 2004 جىلى قازاقستان ازاماتتىعىن العان ساپيلانىڭ ۇلكەن ۇلى جەڭىسحان باعدال ءالى قىتاي ازاماتى ەكەن. جەتپىسكە كەلىپ قالعان قاريانىڭ ايتۋىنشا، تۇڭعىشتارى جەڭىسحان 2017 جىلدىڭ اقپان ايىندا قازاقستاندا تۇراقتى تۇرۋ ءۇشىن "ىقتيار حات" العان. الايدا كەلىنشەگى مەن بالاسى قىتايدا تۇراتىندىقتان سولارعا بارىپ كەلۋ ءۇشىن ۇرىمجىگە ساپار شەككەن.

- قازىر ول (جەڭىسحان باعدال – رەد. ) ءۇرىمجى قالاسىنا تاياۋ ورنالاسقان شيسان دەگەن جەردە قاماۋدا وتىر. مامىر ايىنىڭ 2- ءسى كۇنى قاماۋعا الىنعان، - دەيدى ساپيلا تاقاشقىزى.


اناسىنىڭ ايتۋىنشا، جەڭىسحان 1972 جىلى دۇنيەگە كەلگەن، ال جەكە باس قۇجاتىندا "1968 جىل بولىپ قاتە ءتۇسىپ كەتكەن".

- ەستۋىمىزشە قۇجاتتارىنان قاتە شىققان دەيدى. كەلىنگە [تەلەفونمەن] حابارلاسساق، ء"پارتيا انىق، ءپارتيا ادال، ءبىزدىڭ ءپارتيا كەمەلدەنگەن ءپارتيا" دەپ سويلەيدى، ناقتى اقپارات بەرۋدەن قورقادى. بالام تەلەۆيزوردان دىبىس بەرەتىن (دۋبلياج جاساۋشى- رەد). جەرگىلىكتى تەلەارنالاردىڭ بىرىندەگى ۇيعىر سەريالىنا دىبىس بەرىپ جۇرگەن جەرىنەن الىپ كەتىپتى، - دەيدى ساپيلا اپا.

بىرنەشە اي بويى ۇلىنىڭ قاماۋدا نە حالدە وتىرعانىن بىلە الماعان اناسى قىتايداعى كەلىنىنىڭ ادۆوكات جالداعانىن، بىراق ونىڭ دا جەڭىسحانمەن جۇزدەسە الماعانىن ايتادى. ساپيلا تاقاشقىزى قازاقستان بيلىگىنەن ءبىر قايىر بولا ما دەگەن ۇمىتتە. ونىڭ جەڭىسحاننان كەيىنگى ەكى ۇلى مەن ءبىر قىزى قازاقستان ازاماتتىعىن العان.

قازاقستاندا تۇراقتى تۇرۋ ءۇشىن ىقتيار حات العان، بىراق قىتايداعى تۋىستارىنا قىدىرىپ بارىپ قاماۋعا الىنعان جانداردىڭ تاعى ءبىرى- جارقىنبەك قاسىمبايۇلى.

جارقىنبەكتىڭ الماتى قالاسىندا تۇراتىن بالاسى ايتۋعاننىڭ ايتۋىنشا، اكەسىن 2017 جىلعى ماۋسىمنىڭ 18- ىندە شىڭجاڭ ولكەسىنە قاراستى بۇراتولا قالاسىنىڭ قوعامدىق قاۋىپسىزدىك مەكەمەسى تۇتقىنداعان.

- شىلدەنىڭ 28- ءى كۇنى اكەمدى جازىقسىز 10 جىلعا سوتتاپ جىبەردى. اكەمنىڭ بار كىناسى – اعام جۇمادان ەكەۋمىزدىڭ قازاقستان ازاماتتىعىن قابىلداعانىمىز. ويتكەنى، وسى كۇنگە دەيىن اكەمىزدىڭ باسقا كىناسى تۋرالى ايتپادى، - دەيدى ايتۋعان.

ايتۋعان مەن جۇمادان – قازاقستان ازاماتتارى. ايتۋعاننىڭ ايتۋىنشا، اناسى مەن اكەسى سوڭعى ۋاقىتتا قازاقستاندا تۇرىپ جاتقان. قىتايدا تەك ۇلكەن اپكەلەرى قالعان. اكەسى قىزىنا بارىپ قايتۋ ءۇشىن كەتكەن.

"قازاقستاندا ءبىلىم الىپ، قازاق- قىتاي شەكاراسىندا تۇتقىندالدى" دەپ حابارلانعان ازاماتتاردىڭ ءبىرى – اققۋ ەرەنبەك. قازاقستاندىق اقپارات قۇرالدارىنىڭ جازۋىنشا، شىعىس قازاقستان وبلىستىق سارسەن امانجولوۆ اتىنداعى ۋنيۆەرسيتەتتە وقيتىن اققۋ جازعى دەمالىسىندا اكە- شەشەسىنە كەتىپ بارا جاتقان. ستۋدەنتتىڭ تەلەفونىنان قۇران ماتىندەرى تابىلعان سوڭ ونى قىتاي شەكاراشىلارى تۇتقىنداعان. الايدا قازاقستان سىرتقى ىستەر مينيسترلىگىنىڭ وكىلى ءانۋار جايناقوۆ وزدەرىنە مۇنداي اقپاراتتىڭ ءالى تۇسپەگەنىن ايتادى.

- اققۋ ەرەنبەك بىرىنشىدەن، قىتاي ازاماتى، ەكىنشىدەن، ستۋدەنت قىزدىڭ ۇستالعانىنا قاتىستى بىزگە ونىڭ تۋىسقاندارىنان نەمەسە باسقا دا ءبىر ازاماتتاردان شاعىم كەلىپ تۇسكەن جوق، - دەيدى جايناقوۆ.

ءانۋار جايناقوۆتىڭ ايتۋىنشا، كەيبىر قىتايلىق ەتنيكالىق قازاقتار قازاقستاندا ىقتيار حات العانىمەن قىتاي ازاماتى بولىپ قالا بەرەدى. ال سىرتقى ىستەر مينيسترلىگى تەك قازاقستان ازاماتتارىنىڭ قۇقىعىن قورعايدى.

ازاتتىق ءتىلشىسى قاماۋدا وتىرعان ەتنيكالىق قازاقتارعا قاتىستى قىتايدىڭ قازاقستانداعى كونسۋلدىعىنا حابارلاسقان ەدى. ءوزىن ءمولدىر دەپ عانا تانىستىرعان بويجەتكەننىڭ تەلەفون ارقىلى ايتۋىنشا، "بۇعان دەيىن دە وسى ماسەلەگە قاتىستى كونسۋلدىقتا جيىن بولعان".

- كوبى جينالىپ، تەلەكانالدى شاقىرىپ سۇحبات بەرگەن. سول كەزدە بىزدىكىلەر (قىتاي كونسۋلدىعىنىڭ قىزمەتكەرلەرى – رەد. ) استاناداعى قىتاي ەلشىلىگىنە نەمەسە قازاقستاننىڭ سىرتقى ىستەر مينيسترلىگىنە حابارلاسۋ كەرەكتىگىن ايتقان. بۇل ماسەلەنى وزدەرىنىڭ شەشە المايتىنىن ايتقان، - دەيدى قىتايدىڭ الماتىداعى كونسۋلدىق قىزمەتكەرى.

ازاتتىق سوڭعى ۋاقىتتا قىتاي قازاقتارىنىڭ ساياسي جانە ءدىني بوستاندىقتارىنىڭ تارىلىپ، قىسىم كورىپ جاتقاندارى جايلى ءجيى ارىزدانا باستاعانىن بۇعان دەيىن دە بىرنەشە مارتە جازعان بولاتىن. پەكين ۇيعىرلار كوبىرەك تۇراتىن اۋدانداردا ءوزى كۇماندى دەپ تانيتىن ساياسي جانە ءدىني كوزقاراس ۇستانۋشى ادامداردى وقشاۋلاپ، سوتقا تارتىپ كەلگەن. كەيبىر حالىقارالىق باقىلاۋشىلار ەندى بۇل ءتاسىلدىڭ شىڭجاڭداعى قازاقتار تۇراتىن اۋدانداردا دا قولدانىلا باستاعانىن ايتادى.

قازاقتار قىتايدىڭ شىڭجاڭ- ۇيعىر اۆتونوميالىق ولكەسىنىڭ ىلە- قازاق اۆتونوميالىق وبلىسىنا قاراستى اۋداندارى مەن قالالارىنا، التاي، تارباعاتاي ايماقتارىنا، بۇلاردان باسقا تاعى بىرنەشە قازاق اۆتونوميالىق اۋداندارىندا، ءۇرىمجى قالاسىندا شوعىرلانعان. قىتايدىڭ 2000 جىلى جۇرگىزگەن حالىق ساناعى مالىمەتتەرى بويىنشا، بۇل ەلدەگى ەتنيكالىق قازاقتار سانى 1 ميلليون 250 مىڭ بولعان.


نۇرتاي لاحانۇلى
نۇرتاي لاحانۇلى. 1973 جىلى دۇنيەگە كەلگەن. 1998 جىلى ءال- فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتى بويىنشا تامامداعان. «قازاقستان- زامان» گازەتى مەن «قازاق راديوسىندا» قىزمەت ەتكەن. 2010 جىلدان بەرى ازاتتىق راديوسىندا جۇمىس ىستەيدى.

بۇل شىعارلىمعا باعاڭىز
(2 داۋىس)
سوڭعى رەت وزگەرتىلگەن Дүйсенбі, 12 ناۋرىز 2018 16:58

پىكىر قالدىرۋ

جۇلدىزشامەن (*) كورسەتىلگەن بارلىق قاجەتتى اقپاراتتى ەنگىزگەنىڭىزگە كوز جەتكىزىڭىز. HTML-كودقا جول بەرىلمەيدى.

Ad Sidebar

تاريحي وقيعالار

Latest Tweets

SeoBin | Marketing Agency HTML Template updated with 2 new home https://t.co/mxLG1wKFPc https://t.co/w4arzHoAVx
RT @dhh: MailChimp is an inspiration! $300M+/year in revenues, profitable, based in Atlanta, NO VC. Wonderful. 🐒❤️ https://t.co/qmj0MNAQOo
Barrister - Responsive Law Business @joomla Template setup guide! https://t.co/GwqHcdxyDi https://t.co/qzEEldYie3
Follow Themewinter on Twitter

Post Gallery

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

قىتاي كەلىمسەكتەرى

گەرمانيا ۇكىمەتى سايراگۇل ساۋىتبايعا اراشا ءتۇستى.

باس مۇفتيگە اشىق حات

"قىتايداعى قازاق ماسەلەسى. سايراگۇل ساۋىتبايعا اراشا" اتتى ءباسپاسوز ءماسليحاتىنا شاقىرامىز

Яндекс.Метрика