اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

«سينگاپۋر سيندرومى» –قازاق ودان قالاي قورعانا الادى؟

By Шілде 25, 2018 435 0

«سينگاپۋر سيندرومى» –قازاق ودان قالاي قورعانا الادى؟

ءسينوفوبيانى قازاقشالاساق – «قىتاي قاۋپى»، «قىتاي ۇرەيى» دەگەن ءسوز. ال «سينگاپۋر سيندرومى» قازاقتىڭ ساناسىنا تىڭ ۇعىم بولا قويۋى ەكىتالاي. سينگاپۋر دا – قىتاي، قىتاي دا – قىتاي. اتام قازاق ولاردى ەجەلدەن «تاۋعاش» دەپ، «تاپقاش» دەپ، كەيىنىرەك «ءشۇرشىت» دەپ، بەرتىنىرەك «قىتاي» دەپ اتاعانىمەن، ءتىپتى وسى كۇندەرى «حانزۋ» دەپ اتاعانىمەن، اينالىپ كەلگەندە، بۇنىڭ ءبارى – ءبىر حالىق.

ءبىزدىڭ ارعى اتا- بابالارىمىز كۇلتەگىن مەن بىلگە قاعان ماڭگى تاسىندا ويىپ تۇرىپ جازعان – زالىم دەگەن تاۋعاشىمىز وسى. «تاۋعاشتىڭ ءشايى مەن شالىسىنە الدانباڭدار» دەپ، تاسقا ويىپ تۇرىپ جازىپ كەتكەن سول اتا- بابالىرىمىزدىڭ وسيەتى بۇگىنگى كۇندە تۇتاس تۇرىك قاۋىمىنىڭ جادىنان ۇمىتىلىپ كەتكەن سياقتى. تاسقا جازىلعان تاڭبالى جازۋلاردىڭ حيكمەتىن ءبىزدىڭ سانامىز ەندى- ەندى سەزىنىپ جاتقانداي.

ال سينگاپۋردىڭ قازاققا قاتىسى قانداي دەۋىمىز مۇمكىن؟ زور قاتىسى بار. ءبىزدىڭ قازاق ەكىنشى سينگاپۋر بولىپ قالماي ما؟ ! بۇگىنگى ايتايىن دەگەن ءسوزىمىزدىڭ وزەگى دە، ءتۇيىنى دە وسى. جەر بەتىندە ءبىر مەملەكەت بار: ول تاۋەلسىزدىگى ءۇشىن كۇرەسپەي- اق تاۋەلسىز بولدى. ول ءتىپتى «ءبىز تاۋەلسىز بولمايىقشى» دەپ جانتالاسپادى. ول وزگە ەلدەر «سەن تاۋەلسىز بول، سەن ءوز الدىڭا مەملەكەت بول» دەپ، الگىلەردى زورلىقتى تۇردە تاۋەلسىز ەل قىلىپ تاستادى. ول ەل – سينگاپۋر.

ادامزات تاريحىندا سينگاپۋردىڭ تاريحى تاڭعاجايىپ. ارينە، كوپ قازاقتىڭ نازارىندا سينگاپۋر وڭتۇستىك- شىعىس ءازيانىڭ قۇرتتاي ارالىنداعى باي، باقۋاتتى، باتىستىق وركەنيەتتەگى دەموكراتيالىق قۋاتتى ەل. بىراق قاي قىرىنان الساڭ دا، ول قىتايدىڭ ەلى.

سينگاپۋردىڭ تۇرعان جەرى – نەگىزى قىتايدىڭ جەرى ەمەس ەدى. ول وزدەرىن «مالاي» دەپ اتايتىن مۇسىلمان حالىقتىڭ جەرى بولاتىن. وڭتۇستىك- شىعىس ازياداعى ءمالايزيا، يندونەزيا، برۋنەي – ۇشەۋى ءبىر تەكتى حالىق. ءبارىنىڭ ايتاتىن ءتىلى «باقاسا» دەپ اتالاتىن وتە جاقىن، ءبىر- ءبىرىن اۋدارماسىز تۇسىنەتىن ءبىر تەكتى حالىق، ءبىر ۇلت. وسى مالايلاردىڭ جەرىنە بىرنەشە عاسىر بۇرىن كەلىپ، قىتايلار قونىستانا باستايدى. ساۋداگەر قىتايلار، ىشكى سوعىستان بوسقان قىتايلار وسى سينگاپۋرداعى پورتتى جاعالايدى. بالىقشى بولىپ كاسىپتەنەدى، ساۋدامەن اينالىسادى، ءسويتىپ، ەڭ سوڭىندا بۇگىنگى سينگاپۋر ەلى بولىپ قالىپتاسادى.

سينگاپۋردى ەل قىلعان باسشىنىڭ اتى – لي كۋان ياۋ. ورىس ءتىلدى اقپارات ونى «لي كۋان يۋ» دەيدى. بۇنىڭ ءبىر كىتابى بار. «تاۋەلسىزدىكتىڭ تاۋقىمەتتى جولى نەمەسە لي كۋان ياۋدىڭ ەستەلىكتەرى» دەيتىن. ول كىتاپتىڭ قىتاي تىلىندەگى نۇسقاسىن ەرتەرەكتە وقىعانبىز. ەندى سودان ەسىمىزدە قالعان ءبىر- ەكى اۋىز ءسوزدى ايتا كەتەيىك.

كەيبىر ەلدەر ەجەلدەن تاۋەلسىز. كەيبىر ەلدەر تاۋەلسىزدىك ءۇشىن كۇرەسەدى. سينگاپۋردىڭ تاۋەلسىزدىگى ونىڭ شەكەسىنە زورلىقپەن تاڭىلعان. سينگاپۋردىڭ تاۋەلسىزدىگى تۋرالى ايتقاندا، 1965 جىلدىڭ 9 تامىزى ەشقانداي دا ءبىر قۇتتىقتارلىق كۇن ەمەس. «ءبىز ەشقاشان تاۋەلسىزدىك ءۇشىن كۇرەسكەن ەمەسپىز. 100 ميلليونداعان مالاي جانە يندونەزيا مۇسىلماندارى تۇراتىن وتىز مىڭ ارالدىڭ ورتاسىندا قۇرتتاي عانا قىتايلار جاسايتىن ارالدىڭ دەربەس جانە تاۋەلسىز ءومىر ءسۇرۋى ادامنىڭ اقىلىنا سىيمايدى» دەپ جازادى لي كۋان ياۋ. ونىڭ وسى ءسوزىن ادامزات تاريحىنداعى تاسقا ويىپ جازاتىن سوزدەردىڭ ءبىرى دەپ باعالاۋعا بولادى.

لي كۋان ياۋ سينگاپۋردىڭ تاۋەلسىزدىگىنە ەجەلدەن قارسى بولدى. ول ءتىپتى 1996 جىلدىڭ وزىندە ءمالايزيا مەن سينگاپۋردى بىرىكتىرۋ تۋرالى ۇسىنىسىن ورتاعا قويادى. ەسەپتەڭىز، ياعني لي كۋان ياۋ كۇنى كەشەگە دەيىن سينگاپۋردىڭ تاۋەلسىزدىگىنە باسى ءبۇتىن قارسى بولعان ادام جانە ول سينگاپۋردى تاۋەلسىز، باي، باقۋاتتى، قۇدىرەتتى ەل ەتىپ قۇرىپ شىققان بىردەن- ءبىر ادام.

ال سينگاپۋر نە ءۇشىن تاۋەلسىز بولدى؟ سەبەبى ءمالايزيا ولاردى تالاق ەتتى. كادىمگى شاريعات جولىمەن ايتساق، سول تالاق ەتۋگە ۇقساڭقىراپ قالادى. سەبەبى ءمالايزيانىڭ سول كەزدەگى اقىلماندارى، ساياساتكەرلەرى وتە ءبىر تاڭعاجايىپ شەشىم قابىلدايدى. ولارعا اتا- باباسىنان مۇراعا قالعان جەردى ساقتاپ قالىپ نەمەسە قارا قىتايدى قاراقۇرتشا قاپتاتىپ الۋ دەگەن ەكى جولدىڭ ءبىرىن تاڭداۋ الدارىنا ۇسىنىلدى. مالايلار امالسىز قالدى. جەردى ويلاسا، وندا سينگاپۋردى قۇشاعىنا الۋى كەرەك. سەبەبى بۇل جەر اتا- بابالارىنىڭ جەرى. ال ەرتەڭ سينگاپۋرداعى قۇجىناعان قارا قىتايدىڭ تۇتاس ءمالايزيا جەرىندە ەمىن- ەركىن ءجۇرۋ نەمەسە ءمالايزيا ازاماتى بولىپ ءومىر ءسۇرۋىن ويلاعاندا، ولارعا سينگاپۋردى تاۋەلسىزدەندىرىپ، ەلدەن بولەكتەپ تاستاۋ تاڭداۋى الدارىنا قويىلادى.

سودان سول زامانداعى ءمالايزيانىڭ باسشىلىعى، ساياساتكەرلەرى تاڭعاجايىپ شەشىم شىعارادى. ادامزات تاريحىندا بولماعان، ەشكىم مۇنداي ەرلىكتى جاساپ كورمەگەن وسىنداي ءبىر شەشىمدى ءمالايزيانىڭ اتقامىنەر ازاماتتارى قابىلدايدى. شىنىندا دا، ول كەزدە سينگاپۋرداعى قۇجىناعان قارا قىتايدى ءمالايزيانىڭ تۇتاس حالقىنا قوسىپ، ولاردىڭ ورتا ەسەبىن شىعارعاندا، مالايزياداعى قىتايلاردىڭ ۇلەس سالماعى الدەقايدا ارتىپ كەتەر ەدى. بۇل ەرتەڭگى مالاي حالقى ءۇشىن ۇلكەن قاۋىپ بولار ەدى.

ول كەزدەگى ساناقتى بىلمەيمىن، مەن وسىدان بىرنەشە جىل بۇرىن بىرنەشە مارتە مالايزياعا بارىپ قايتقانمىن. سول كەزدە ءمالايزيانىڭ مەملەكەتتىك ساناعىندا قىتايلار 26 پايىزدى قۇرايتىن. ۇندىلەر – 13 پايىز، باسقالار – 39، ال ءمالايزيانىڭ مەملەكەتىن ۇستاپ تۇرعان تۇرعىلىقتى بايىرعى حالىق – مالايلار 61 پايىز بولدى. بۇل ەندى مەملەكەتتىك ساناق. بىراق كۋالا- لۋمپۋردا جوحور- بارۋ شتاتىندا، مالاككادا بولعان ساپارلارىمدا مەنىڭ بايقاعانىم – سينگاپۋردىڭ بارشا ورتا شاعىن بيزنەسى، ءوندىرىسى تۇتاسىمەن قىتايلاردىڭ قولىندا ەدى. وسىنى كورگەننەن كەيىن، سينگاپۋردى بولەكتەپ تاستاعان مالاي باسشىلارىنىڭ ەرەن شەشىمىنە، ەرلىگىنە تاڭىرقاماۋعا امال قالمادى.

ء«جۇز ميلليونداعان ءمالايزيا جانە يندونەزيا مۇسىلماندارى تۇراتىن وتىز مىڭ ارالدىڭ ورتاسىنداعى قىتايلار جاسايتىن قۇرتتاي ارالدىڭ تاۋەلسىز بولۋى كىسى اقىلىنا سىيمايدى». مىنە، بۇل لي كۋان ياۋدىڭ ءسوزى. قارا قىتاي قاپتاعان وسىنداي ءبىر سۇمدىق ەلدى دەنەسىنە وسكەن راك كلەتكاسىن كەسىپ تاستاعانداي، الىپ تاستادى. «سەن بىزگە كەرەك ەمەسسىڭ، ءوز الدىڭا تاۋەلسىز كۇن كور» دەگەن مالايلاردىڭ شاراسىزدىعىن ويلاعاندا، وسى تاعدىر ەرتەڭ قازاقتىڭ باسىنا كەلمەي مە دەپ ويلاۋعا ءماجبۇر بولاسىڭ. وسى وي باسىڭا كەلگەندە، ونە بويىڭ ءدىر ەتەدى. ءتىپتى شەكەڭنەن تەر شىعادى.

تۇتاس سولتۇستىك ءازيانى قىتايدىڭ جاۋلاپ وتىرعانىن بىلەمىز. تايلاندتىڭ ەكى رەتكى پرەمەر- ءمينيسترى قىتاي بولدى. كادىمگى قىتاي. اعاسى – تاشيم، قارىنداسى – ياڭلا، ەكى مارتە تايلاندتىڭ پرەمەرى بولدى. ميانمانىڭ گوگان دەگەن شتاتى تۇتاسىمەن قىتاي. ول ءتىپتى ميانمانىڭ ورتالىق ۇكىمەتىنە باعىنبايدى. ول جەردە قىتاي- موبايل ۇيالى تەلەفون سەرۆيسىن قولدانادى. «قىتاي- تەلەكوم» ۇيىنە تۇراقتى تەلەفون ورناتادى. ادامدار يۋانمەن ەسەپ ايىرىلىسادى. اتى ميانما بولعانىمەن، زاتى قىتاي بولىپ وتىر. كامبودجانىڭ تۇتاس ەليتاسى قىتايدىڭ قولىندا.

ال ۆەتنام قىتايمەن اراداعى سوعىسى سول جەردەگى ەتنيكالىق قىتايلاردىڭ ۆەتنام بيلىگىنە تالاسۋىنان شىقتى دەپ ايتۋعا بولادى. ءمالايزيانىڭ مەملەكەتتىك ساناعىندا – 26 پايىز قىتاي. ال يندونەزيادا 1997 جىلى يندونەزيالىقتار مەن سول جەردەگى تۇرعىلىقتى قىتايلاردىڭ ورتاسىندا ۇلكەن قاقتىعىس- قانتوگىس بولدى. ارى قاراي جالعاستىرساق، تۇتاس وڭتۇستىك- شىعىس ءازيانى اداقتاپ شىعۋعا بولادى.

تۇتاس وڭتۇستىك- شىعىس ءازيادا ءبىر عانا ماسەلە بار، ول – قىتاي دەموگرافياسى ماسەلەسى. ياعني، تۇتاس وڭتۇستىك- شىعىس ءازيانى قۇجىناعان قارا قىتاي ەكونوميكاسىمەن، دەموگرافياسىمەن وزدەرىنىڭ مەڭگەرۋىنە الىپ العان. مىنە، ءبىز ايتاتىن «سينگاپۋر سيندرومى» دەگەن وسى. ياعني، قىتايلار ءبىر جەرگە بارادى؛ اقىرىنداپ ازاماتتىعىن الادى؛ سول جەردەن بىرتىندەپ جەر ساتىپ الادى؛ وندىرىستەرى مەن ونەركاسىپتەرىن باستايدى؛ دۇكەندەرىن اشادى؛ ينۆەستيسيا سالادى. ارتىنان، بىرنەشە ۇرپاق وتەر- وتپەستەن، سول جەردەگى ساياسي بيلىككە ۇمتىلا باستايدى. ءتىپتى جەرگىلىكتى ەليتانى، بيلىكتى ساتىپ الادى. مىنە، قىتاي وسىنداي حالىق.

تۇتاس وڭتۇستىك- شىعىس ءازيا تۇگىلى، ءمالايزيانىڭ وزىندە ەليتانىڭ ءبىراز بولىگى قىتايلانىپ ۇلگەردى. تۇتاس افريكا بۇل كۇندە قىتايشا ۇيرەنىپ، قىتايدىڭ قىزىل اندەرىن جاتتاۋدا. بۇكىل افريكانىڭ ەليتاسى قىتايدىڭ قولجاۋلىعى بولدى. قارىزعا بەلشەسىنەن باتتى. قىتايدىڭ «ءبىر بەلدەۋىنە» قارسى ەۋروپانىڭ 27 مەملەكەتى قول قويدى. ال ءبىز سول «ءبىر ءوڭىر – ءبىر بەلدەۋ» دەيتىن ەۋروپاعا قىتايدىڭ تاۋارىن ەڭ تەز جەتكىزەتىن جولدى، ياعني قىتايعا كەرەك جولدى قىتايدان قارىز الىپ، قىتاي ءۇشىن سالىپ بەردىك. ول قارىز ءبىزدىڭ موينىمىزدا.

وسىدان كەيىن ءبىز – تاۋەلسىز قازاقستان ەرتەڭ ەكىنشى سينگاپۋر بولىپ قالمايمىز با؟ ! مەنى الاڭداتاتىنى وسى.

اينالايىن، قازاقتار! ءبىز ويانايىق. مىناۋ اتا- بابامىز امانات قىلىپ تاستاپ كەتكەن ۇلان- عايىر دالانى ءوزىمىزدىڭ ۇرپاعىمىزعا تاۋەلسىز، ەركىن، ازات، دەربەس ءومىر سۇرەتىن ۇرپاعىمىزعا اماناتتاپ كەتەيىك دەسەك، ءبىز وسى قارا قۇرتتاي قاپتاعان قىتايدان ساقتانايىق.

بىرنەشە عاسىر بۇرىن بوسقىن بولىپ، سوعىستان اۋىپ بارعان، ساۋداگەر، بالىقشى بولىپ بارعان قىتايلار بۇگىن تۇتاس وڭتۇستىك- شىعىس ءازيانى جاۋلاپ، ول جەردە تاۋەلسىز سينگاپۋر دەيتىن ەلدى قۇرىپ الدى. جانە ونىڭ وزىندە «ءبىز تاۋەلسىز بولمايىق، سەنىڭ قاراماعىڭدا بولايىق» دەپ جالىنىپ تۇرعاندا دا، مالايلار ونى كەت ارى دەپ، تالاق قىلىپ، تالاق قىلعاندا دا، ءمالايزيانىڭ پارلامەنتىندە ءۇش مارتە وسى شەشىم وقىلدى. ياعني، سينگاپۋردى ءۇش مارتە تالاق قىلىپ تاستادى، ەكىنشى رەت قايتادان نەكەلەسىپ المايتىنداي بولادى.

سول ءۇش مارتە تالاق ايتىلعان سينگاپۋردىڭ تۇتاس حالقى 1996 جىلعا دەيىن مالايزياعا قوسىلۋعا داۋىس بەرەدى. مۇنداعى سەبەپ نە؟ نە ءسينوفوبيا؟ ول – مالاي حالقىنىڭ قىتايدان ساقتانۋى. ارلان قاسقىرلار قاقپانعا ءتۇسىپ قالعاندا، سيراعىن شايناپ تاستاپ، كەتىپ قالادى ەكەن. ايۋلاردىڭ ىشىندە دە سونداي ءبىر مىقتىلارى سويتەدى. مەنىڭشە، بۇگىنگى ءمالايزيا سول كەشەگى سينگاپۋردى وسىلايشا «شايناپ»، ەرەكشە وڭ شەشىممەن دەربەستەپ تاستاعان ەكەن. سينگاپۋردى «سەن، كەت بىزدەن، بولەكتەن» دەپ تاستاۋى – اتا- باباسىنىڭ اماناتتاعان سونشاما جەردى قيىپ، «بولدى، سەن ءوز الدىڭا كەت» دەگەن ءمالايزيانىڭ سول كەزدەگى تاعدىرىن ەرتەڭ ءبىزدىڭ قازاق قايتالاپ جۇرمەي مە؟ مەن تەك سودان قاۋىپتەنەم.

مەن قىتايدا تۇرمەدە وتىرعان 500 مىڭ قازاقتىڭ مۇڭىن مۇڭداپ، جىرىن جىرلاپ جۇرگەن قازاقپىن. قىتايدا 2017–2018 جىلدارى تۇتاس مولدالار مەن يمامدار تۇتقىندالىپ بولدى. مولدالاردىڭ 90 پايىزى تۇرمەدە. قازاقستانعا تۋىسشىلاپ كەلگەن قازاقتار ءبارى تۇرمەدە وتىر. قازاقستانعا وقيمىن دەپ كەلگەن قىتاي قازاقتارىن، مىنە، ءبىزدىڭ قولىمىزعا جەتكەن دەرەك بويىنشا، قازىرگە دەيىن 79 ستۋدەنتتى قىتاي ۇكىمەتى الداپ- ارباپ، قورقىتىپ، بوپسالاپ شاقىرتىپ الىپ، ولار دا قازىر تۇرمەدە وتىر. ال بىزدە بۇل دەرەكتەر ۇزدىكسىز تولىعۋدا. قازىرگە دەيىن ءبىزدىڭ قولىمىزعا جەتكەن دەرەك 100- دەن استى. قىتايداعى قازاقتاردىڭ باسىنداعى اۋىر جاعدايدى تۇتاس قازاق قوعامىنا جەتكىزۋ ءۇشىن، ءبىز وسىعان دەيىن سەگىز مارتە ءباسپاسوز ءماسليحاتىن، دوڭگەلەك ۇستەلدەردى ۇيىمداستىردىق. قازاق قوعامىنا تانىمال سوۆەتحان عابباسوۆ، قابدەش ءجۇمادىل، قازىبەك يسا، دەپۋتات ازات پەرۋاشەۆ، دۋلات يسابەكوۆ جانە راسۋل جۇمالى، دوس كوشىم سياقتى ءىرى تۇلعالار وسى ماسەلەلەردى بىزبەن بىرگە كوتەرىسىپ ءجۇردى. رىسبەك سارسەنباي اعامىز وسى باسپاسوزدەردىڭ بارلىعىندا قازاقتاردىڭ باسىنداعى وسى ماسەلەنى كوتەرىپ ءجۇردى.

بۇگىن «سينگاپۋر سيندرومىن» ايتۋداعى ءبىر عانا ماقساتىم – ءبىز قىتايداعى قينالىپ جاتقان، قىتايدىڭ تۇرمەسىندە وتىرعان 3 ميلليون مۇسىلماندى قۇتقارا الماسپىز. ءدال قازىر قىتايدىڭ تۇرمەسىندە وتىرعان 3 ميلليوننىڭ ىشىندەگى 500 مىڭ قازاقتى قۇتقارا الماسپىز. مۇمكىن، ءبىز ونى سىلتاۋراتىپ، قۇقىق نەمەسە ەكى ەلدىڭ دوستىعى، ساياسي قاتىناسى، شانحاي ىنتىماقتاستىعى، مۇناي- گاز جاعىنداعى بايلانىس دەگەننىڭ ءبارىن ۇمىتا تۇرىپ، ول قىتايدىڭ ىشكى ءىسى دەپ، جالتاراتىن شىعارمىز.

بىراق قىتايداعى 3 ميلليون قازاققا اراشا تۇسە الماساق تا، تاۋەلسىز، ەگەمەن، دەربەس قازاقستانىمىزدى قورعاۋعا ءاربىر قازاق قاقىلى. بۇل – قازاقستانداعى ءاربىر قازاقتىڭ موينىنداعى بورىش، پارىز. بۇگىن ءبىز قىتايدان ساقتانباساق، ەرتەڭ ءبىزدىڭ ۇرپاعىمىز قىتايدىڭ قۇلى بولۋى بەك مۇمكىن.

ساقتانايىق، قازاق! اتا- بابامىز كۇلتەگىن ەسكەرتكىشىندە ەسكەرتىپ تۇرىپ جازىپ كەتكەن، «تاۋعاشتىڭ بەتتەرى زالىم» دەگەن، «تاۋعاشتىڭ شايى مەن شالىسىنە الدانباڭدار» دەگەن تاۋعاش – بۇگىنگى قىتاي. سول قىتايدىڭ ءبىر ۇلگىسى – «سينگاپۋر سيندرومى». ساق بول، الاش بالاسى!

سەرىكجان ءبىلاش

بۇل شىعارلىمعا باعاڭىز
(2 داۋىس)

پىكىر قالدىرۋ

جۇلدىزشامەن (*) كورسەتىلگەن بارلىق قاجەتتى اقپاراتتى ەنگىزگەنىڭىزگە كوز جەتكىزىڭىز. HTML-كودقا جول بەرىلمەيدى.

Ad Sidebar

تاريحي وقيعالار

Latest Tweets

SeoBin | Marketing Agency HTML Template updated with 2 new home https://t.co/mxLG1wKFPc https://t.co/w4arzHoAVx
RT @dhh: MailChimp is an inspiration! $300M+/year in revenues, profitable, based in Atlanta, NO VC. Wonderful. 🐒❤️ https://t.co/qmj0MNAQOo
Barrister - Responsive Law Business @joomla Template setup guide! https://t.co/GwqHcdxyDi https://t.co/qzEEldYie3
Follow Themewinter on Twitter

Post Gallery

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

قىتاي كەلىمسەكتەرى

گەرمانيا ۇكىمەتى سايراگۇل ساۋىتبايعا اراشا ءتۇستى.

باس مۇفتيگە اشىق حات

"قىتايداعى قازاق ماسەلەسى. سايراگۇل ساۋىتبايعا اراشا" اتتى ءباسپاسوز ءماسليحاتىنا شاقىرامىز

Яндекс.Метрика