اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

سايراگۇلدىڭ سوتى ەرتەڭ

By Шілде 12, 2018 1745 0

سايراگۇلدىڭ سوتى. ساۋعا سۇراپ كەلگەن سايراگۇلدى وزەككە تەپكەندەي قىلمايىق!


ەرتەڭ الماتى وبلىسىنا قاراستى پانفيلوۆ اۋداندىق سوتىندا (جاركەنت قالاسى) قىتايدىڭ ساياسي سۇرگىنىنەن قاشىپ كەلگەن قازاق ايەلى سايراگۇل ساۋىتبايدىڭ سوتى وتەدى.
سوت اۋدان ورتالىعى جاركەنت قالاسىندا ورنالاسقان. سوتتىڭ وتەتىن ۋاقىتى – 10:00- دە.
ەستەرىڭىزگە سالا كەتەيىك، شەكارانى زاڭسىز بۇزىپ ءوتتى دەپ تۇتقىندالعان سايراگۇل ساۋىتبايدىڭ ىسىنە قاتىستى العاشقى سوت وتىرىسى 9- شىلدە كۇنى پانفيلوۆ اۋداندىق سوت عيماراتىندا وتكەن ەدى.
وعان سايراگۇلدىڭ تاعدىرىعا بەي- جاي قارامايتىن قازاق ازاماتتارى جان- جاقتان، جەر- جەردەن جيىلدى. ماقسات بىرەۋ- سايراگۇلگە قولداۋ ءبىلدىرۋ.
سول سوت وتىرىسى جايلى از- كەم اقپارات بەرە كەتەيىك، ەندى. سوت شىلدەنىڭ 9- كۇنى ءوتتى. سۋديا دينارا قۇيقاباەۆا دەگەن حانىم ەكەن. ال ايىپتاۋشى پروكۋرور ارزىگۇل يمياروۆا.
سوت العاشىندا كرەمل بيلىگىنىڭ رەسمي ءتىلى سانالاتىن – ورىس تىلىندە باستالدى. وعان سەبەپ – سايراگۇلدى العاش تۇتقىنداعان جانە مەملەكەت تاراپىنان بەلگىلەنىپ بەرگەن قورعاۋشى ورىس ءتىلدى بولىپ شىققان. ال سايراگۇل ورىس ءتىلىن بىلمەيتىندىكتەن، ورتادا اۋدارماشى تاعايىندالعان.
ال 9- شىلدەدەگى اللعاشقى سوت وتىرىسىندا سايراگۇل ءسوز الىپ، ءوزىنىڭ قازاق ءتىلىن ەركىن مەڭگەرگەندىگىن ايتتى. ءسويتىپ، سوت پروسەسسىن ءارى قاراي قازاق تىلىندە جالعاستىرۋدى سۇرادى. ءوز قۇقىعىن قازاق تىلىندە تولىقتاي قورعاي الاتىنىن جەتكىزدى.
سايراگۇلدىڭ تالاپ- تىلەگىن ونىڭ قورعاۋشىسى ابزال قۇسپان مىرزا دا قولدادى. ول از دەسەڭىز، ايىپتاۋشى پروكۋرور دا سايراگۇلدىڭ تالابىنا قارسىلىق كورسەتۋگە نەگىز جوق ەكەنىن ايتىپ، قاناعاتتاندىرۋدى سۇرادى.
وسىدان كەيىن، سۋديا قۇيقاباەۆا اقىلداسۋ ءۇشىن ءۇزىلىس ءجاريالادى. از- كەم ۇزىلىستەن كەيىن، شەشىم قابىلدانىپ، سايراگۇلدىڭ تالاپ- تىلەگى قاناعاتتاندىرىلدى. الدايدا، تەرگەۋ ماتەريالدارى ورىس تىلىندە جۇرگىزىلگەندىكتەن، ءىس ماتەريالدارىن اۋدارۋ ءۇشىن سوت وتىرىسىن كەيىنگە شەگەردى.
ايتپاقشى، 9- شىلدەدەگى سوت وتىرىسىنا ەلىمىزدىڭ جانە شەتەلدىك اقپارات قۇرالدارى دا كەلىپ قاتىستى. اتاپ ايتساق، بەلگىلى جۋرناليست، «التىن جۇلدىز» سىيلىعىنىڭ يەگەرى ساۋلە ابىداحانقىزى، جۋرناليست، «قر اقپارات سالاسىنىڭ ۇزدىگى» نۇرگەلدى ابدىعانيۇلى باستاعان، «ازاتتىق راديوسى»، «ۆرەميا» گازەتى، «فرانسپرەسس» اگەنتتىگى تىلشىلەرى دە سايراگۇلدىڭ سوتىندا بولدى.
شەكارالىق باقىلاۋ قىزمەتى تۇتقىنداعان قىتايلىق قازاق ايەلى سايراگۇل ساۋىتباي قازىر پانفيلوۆ اۋدانىندا قاماۋدا وتىر. ء
ۋالي ءسىلام قىتاي بيلىگى ايەلىن شەكارانى زاڭسىز كەستى جانە قازاقستان ازاماتتىعىن المادى دەپ ايىپتاپ وتىرعاندىقتان، ونى قىتايعا ەكستراديسيالاۋى مۇمكىن دەپ الاڭدايدى.
ەستەرىڭىزگە سالا كەتەيىك، 22- مامىر كۇنى الماتى وبلىسى ەڭبەكشىقازاق اۋدانىنا قاراستى بايدىبەك بي اۋىلىنان اسكەري كۋالىگى بار ەكى ادام سايراگۇلدى تۇتقىنداپ كەتكەن. سودان سايراگۇلدى «قورعاسقا» اپارىپتى.
24- مامىر كۇنى رەداكسيامىزعا سايراگۇلدىڭ قايىن ءىنىسى نۇربولات اسان كەلىپ، بولعان جايدى بايانداپ بەرگەن. «اسان نۇربولات: شەكارالىق ءپوليسيا وكىلدەرى «قىتاي سۇراتىپ جاتىر» دەپ جەڭگەمدى الىپ كەتتى» اتتى ماقالا العاش بولىپ «Abai. kz»اقپاراتتىق پورتالىندا ءجاريا بولدى. بۇل قازاق قوعامىندا قىزۋ تالقىلانىپ، سايراگۇلدىڭ ۇستىنەن قىلمىستىق ءىس قوزعالدى. سايراگۇل قازاقستاندا قالدىرىلدى.
25- مامىر كۇنى بەلگىلى زاڭگەر ابزال قۇسپان سايراگۇلدىڭ ىسىنە قاتىستى پىكىر ءبىلدىرىپ، ونى ءوز قورعاۋىنا الاتىنىن مالىمدەدى. «سايراگۇل ساۋىتبايدى قىتايعا قايتارۋ – ەلدىگىمىزگە سىن! » اتتى ابزال مىرزانىڭ ماقالاسى ءجاريالاندى.
25- مامىر. الماتى قالاسىندا ورنالاسقان حالىقارالىق ادام قۇقىقتارىن قورعاۋ ۇيىمىنىڭ قازاقستانداعى بيۋروسىنىڭ كەڭسەسىندە ءباسپاسوز جيىنى ءوتتى. وعان سايراگۇلدىڭ كۋيەۋى ءۋالي سىلام مەن بالالارى كەلىپ قاتىستى. بولعان جايدى باق وكىلدەرىنە ەگجەي- تەگجەيلى بايانداپ بەردى.
29- مامىر. 2018 جىل. رەداكسيامىزعا شەكارالىق ءپوليسيا قىزمەتكەرلەرى تۇتقىنداعان سايراگۇل ساۋىتبايدىڭ ادۆوكاتى ابزال قۇسپان مىرزا حابارلاستى. اتالعان ءىس بويىنشا كەيبىر باسسىزدىق ارەكەتتەر جايلى اشىق ايتا كەلىپ، مالىمدەمە جاسادى. «بۇل ەلدە ء"اي" دەيتىن اجە، "قوي" دەيتىن قوجا- باس پروكۋراتۋرا. ول قايدا قاراپ وتىر؟ » اتتى ماقالا دا سايتىمىزدا ءجاريا بولىپ، قىزۋ تالقىعا ءتۇستى.
30- مامىر. ابەكەڭ الماتىعا كەلدى. سايراگۇل مەن ونىڭ تەرگەۋشىسى ۆلاد انتونوۆپەن جولىعىپ، ىسكە كىرىسۋ ءۇشىن ادۆوكات ابزال قۇسپان باستاپ، بەلگىلى جۋرناليست ساۋلە ابىلداحانقىزى، «اتاجۇرت جاستارى» ەرىكتىلەر بىرلەستىگىنىڭ جەتەكشىسى سەرىكجان ءبىلاشۇلى، «Abai. kz» اقپاراتتىق پورتالىنىڭ رەداكتورى نۇرگەلدى ابدىعانيۇلى بار، پانفيلوۆ اۋدانىنا، «قورعاس» شەكارا بەكەتىنە جول تارتتىق.
بۇل كەزدە سايراگۇل ساۋىتباي پانفيلوۆ اۋدانىنىڭ ورتالىعى جاركەنت قالاسىنداعى ۋاقىتشا تەرگەۋ يزولياتورىندا قاماۋدا جاتقان. وسىدان سوڭ سايراگۇلدى تالدىقورعان قالاسىنداعى ۋاقىتشا تەرگەۋ يزولياتورىنا اۋىستىرعان.
19- ماۋسىم. 2018 جىل. سايراگۇلدىڭ جايىن تاعى قاۋزاماق بولىپ ءبىر توپ بەلسەندى، سايراگۇلدىڭ جولداسى ءۋالي ءسىلام، ۇلى ۇلاعات، قىزى ۇكىلاي، قاينىسى نۇربولات، قوعام بەلسەندىلەرى ساۋلە ابدىلداحانقىزى، Cەرىكجان ءبىلاش، قىدىرالى ورازۇلى جانە جۋرناليست نۇرگەلدى ابدىعانيۇلى تالدىقورعانعا باردىق. وسى جولى ادۆوكات ابزال قۇسپان تەرگەۋگە قاتىسىپ شىقتى.
وسى رەتتە ايتا كەتەيىك، كۇنى بۇگىنگە دەيىن سايراگۇل ساۋىتباي ىسىنە قاتىستى وننان اسا ماقالا جازىلدى. وسى ماقالالار ارقىلى ءبىز «ءبىر ادامنىڭ تاعدىرى- ۇلتتىڭ تاعدىرى» ەكەنىن بۇقاراعا دالەلدەدىك دەپ ويلايمىز.
ال سايراگۇلدىڭ قازىرگى جاعدايىنا قاتىستى اقپارات ءالى دە انىقتالۋ ۇستىندە. دەگەنمەن قۇزىرلى ورگان وكىلدەرى تاراپىنان سايراگۇلدىڭ دەنساۋلىعىنا قاتىستى كەيبىر مالىمەتتەر جاسىرىن ۇستالۋى مۇمكىن دەگەن كۇدىگىمىز دە جوق ەمەس.
سايراگۇلدىڭ ەرلىككە پارا- پار «قىلمىسى»- ءدۇيىم جۇرتتىڭ تالقىسىندا. ءبىر عانا سايراگۇلدىڭ جايى- بۇكىل قىتايداعى قازاقتىڭ تاعدىرىن كوز الدىمىزعا كەلتىرەدى. سوندىقتان دا، ءبىزدىڭ قۇزىرەتتى ورگاندار سايراگۇل ساۋىتبايعا كەشىرىممەن قاراپ، بوستاندىققا شىعارۋعا ءتيىس. سايراگۇل سەكىلدى ازاماتتاردىڭ بارىنە ازاماتتىقتى جىلدام جاساپ، ءوز قازاعىمىزعا قورعان بولا الساق، ۇرپاق الدىنداعى مىندەتىمىزدىڭ ورىندالعانى. . .

بۇل شىعارلىمعا باعاڭىز
(9 داۋىس)

پىكىر قالدىرۋ

جۇلدىزشامەن (*) كورسەتىلگەن بارلىق قاجەتتى اقپاراتتى ەنگىزگەنىڭىزگە كوز جەتكىزىڭىز. HTML-كودقا جول بەرىلمەيدى.

Ad Sidebar

تاريحي وقيعالار

Latest Tweets

SeoBin | Marketing Agency HTML Template updated with 2 new home https://t.co/mxLG1wKFPc https://t.co/w4arzHoAVx
RT @dhh: MailChimp is an inspiration! $300M+/year in revenues, profitable, based in Atlanta, NO VC. Wonderful. 🐒❤️ https://t.co/qmj0MNAQOo
Barrister - Responsive Law Business @joomla Template setup guide! https://t.co/GwqHcdxyDi https://t.co/qzEEldYie3
Follow Themewinter on Twitter

Post Gallery

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

قىتاي كەلىمسەكتەرى

گەرمانيا ۇكىمەتى سايراگۇل ساۋىتبايعا اراشا ءتۇستى.

باس مۇفتيگە اشىق حات

"قىتايداعى قازاق ماسەلەسى. سايراگۇل ساۋىتبايعا اراشا" اتتى ءباسپاسوز ءماسليحاتىنا شاقىرامىز

Яндекс.Метрика