اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

قىتاي قازاقتارىنىڭ ماسەلەسىن كوتەرىپ جۇرگەن جۋرناليستكە قاستاندىق جاسالدى

By Шілде 12, 2018 614 0

بەلگىلى جۋرناليست، بۇرىنعى «اقجۇنىس» باعدارلاماسىنىڭ جۇرگىزۋشىسى ساۋلە ابەدينوۆا وزىنە قاستاندىق جاسالعان بولۋى مۇمكىن ەكەنىن ايتتى. شىنىمدى ايتسام، امان جەتكەنىمىزگە شۇكىر دەپ، ساداقا اتاپ وتىرمىز، دەيدى ول، دەپ حابارلايدى Stan. kz. 

تەلەجۇرگىزۋشىنىڭ سوزىنشە، ول قىتاي جەرىنەن وتانىنا ورالماق بولعانى ءۇشىن تۇرمەگە توعىتىلعان سايراگۇل ساۋىتبايقىزىنىڭ سوتىنا قاتىسۋ ءۇشىن، جاركەنتكە اتتانعان. الايدا جول اۋىر بولىپتى…

 

«سەرىكجان ءبىلاشۇلىنىڭ “نيسسان” كولىگىندە 5 ادامبىز: سەرىكجان، نۇرگەلدى، ارداق، ەركىن دەگەن ستۋدەنت بالا (ول دا باسىنا ءىس ءتۇسىپ جۇرگەن ورالمان) جانە مەن. رۋلدە – نۇرگەلدى. 160- 170 شاقىرىمعا جەتكەندە جاپ- جاڭا اۆتوباننىڭ قاق ورتاسىندا قارايىپ ەكى نارسە جاتىر. “ماسساعان! . . ەندى نە بولار ەكەن…” دەپ ويلادىم. كولىكتى 140- 150 ش/ساع. جىلدامدىقپەن قۇيعىتىپ كەلە جاتقان نۇرگەلدى ءرۋلدى سولعا بۇرسا قارسى جولدى ءبولىپ تۇرعان ءبارديۋردى سوعىپ، قارسى جولعا شىعىپ كەتۋى مۇمكىن. وڭعا بۇرسا، قارايىپ جاتقان نارسەنىڭ بىرىنشىسىنەن قاشقانىمەن، ەكىنشىسى دوڭگەلەكتىڭ ءدال تۇسىنا كەلەدى. مەن الدىندا وتىرمىن، ءبارىن بايقاپ كەلە جاتىرمىن… العاشىندا مەن ول قارايعان ەكى نارسە جولدا ءولىپ جاتقان يت پا، قۇس پا دەپ ويلادىم. ويلاپ ۇلگەرگەنىمشە، ءداۋ ەكى تەمىر ەكەنىن كورىپ، ءتۇسىنىپ ۇلگەردىم. دەمىمدى ىشىمە تارتىپ، ء“بىسمىللا، ءبىسمىللا” دەپ ءبىر اللاعا، سوسىن نۇرگەلدىنىڭ دۇرىس شەشىم قابىلداۋىنا عانا ىشتەي جۇگىنىپ ۇلگەردىم. كوزدى اشىپ- جۇمعانشا بولاتىن، كوزدى اشىپ- جۇمعانشا بۇكىل ءومىرىڭ كوز الدىڭنان وتەتىن ءسات…» – دەپ جازدى ساۋلە ابىلداحانقىزى Instagram- پاراقشاسىندا.

 

ابەدينوۆانىڭ ايتۋىنشا، ول وسى كەزدە جۇرگىزۋشىگە كەدەرگى كەلتىرمەس ءۇشىن، بارىنشا ءوزىن قولعا الۋعا تىرىسقان. الايدا كولىك جول ورتاسىندا جاتقان تەمىر زاتقا سوعىلىپتى.

 

«تەك «پانيكاۆات» (رەد. اۆتوردىڭ ءسوزى وگرەتىلمەي بەرىلدى) ەتپەيىن، نۇرگەلدىگە كەدەرگى جاسامايىن دەپ ويلاپ، دەمىمدى ىشىمە تارتىپ، ەكى كوزىم جولدىڭ ورتاسىنداعى ەكى تەمىردە. نۇرگەلدى ءبىرىنشى تەمىردى ورتاعا الدى… سول ساتتە وتە قاتتى، قورقىنىشتى، تەمىردىڭ تەمىرگە سونداي قاتتى كۇشپەن ۇرىلعان “تارس” ەتكەن دىبىستى ەستىپ ۇلگەردىك…

 

تەجەگىشتى باسۋعا بولمايتىن جولاقتا اقىرىنداپ تەجەگىشتى باسىپ، ينەرسيامەن ءبىراز جەرگە جىلجىپ بارىپ، توقتادىق… ءبارىمىز شوشىپ كەتتىك… ء“بىسمىللا… ءبىسمىللا…” دەپ قايتالاي بەردىك… “اۆارييكانى” قوسىپ، ارتقا قاراي ءجۇرىپ بارىپ، جىگىتتەر ءتۇسىپ قارادى. ول ەكى تەمىردىڭ «كاماز»- دىڭ كوتەرگىشى (دومكرات) ەكەنىن سوندا ءبىر- اق بىلدىك. ءبىرى قارا، ءبىرى قىزىل. ءبارىمىز “شوك” بوپ ءجۇرىپ، سۋرەتكە ءتۇسىرىپ الۋدى دا ويلاماپپىز.

سەرىكجان ءجۇر: ” ويبۋي، بىرەۋلەر كامازىنىڭ دوڭگەلەگىن اۋىستىرىپ، كوتەرگىشتەرىن ۇمىتىپ كەتكەن عوي… جولدىڭ شەتىنە، كورىنەتىن جەرگە شىعارىپ قويايىق، ىزدەپ كەلەتىن شىعار…” دەيدى.

 

ءبارىمىز سولاي ويلادىق. “تالاي كولىك ءوتىپ جاتىر. ەگەر مەن وسىعان سوعىلماي امان وتسەم دە، توقتاپ، جولدان الىپ تاستار ەدىم… وزگەلەردىڭ ومىرىنە قاۋىپتى بولادى- اۋ دەپ ويلايتىن ءبىر مۇسىلمان توقتاپ الىپ تاستار ەدى…” دەيدى. ءبىز دە سولاي دەدىك…» – دەپ جازدى تەلەجۇرگىزۋشى.

ساۋلە ابىلداحانقىزىنىڭ سوزىنشە، مۇنان كەيىن ولار وتىرعان كولىكتىڭ بامپەرى ۇشىپ كەتىپتى. سونىڭ كەسىرىنەن باسقا كولىكتەر سوعىلىپ، زارداپ شەكسپەسى ءۇشىن، ولار كەرى قايتىپ، جولدا ءتۇسىپ قالعان كولىكتىڭ بولشەگىن تاۋىپ، جولدان الىپ تاستاماق بولىپتى.

 

«نۇرگەلدى ەڭكەيىپ كولىكتىڭ استىنا قارادى دا، “وسكە پىشاقپەن كەسىلگەندەي سىزىق ءتۇسىپتى” دەدى. قۇداي ساقتاسىن دەپ، بەتىمىزدى ءبىر سيپاپ، ارى قاراي جىلجىدىق. كوپ ۇزاماي جول- جونەكەي كوتەرىلگىش كوپىر كەزدەستى دە، دەگەنمەن سەنىمدىلىك ءۇشىن ءوستى ءبىر كورىپ الايىق دەپ، توقتادىق. سويتسەك ول كوپىر «كاماز «سياقتى ءداۋ كولىكتەرگە ارنالعان ەكەن، جيەكتەمەلەرىندەگى تەمىرىنە ءبىزدىڭ “نيسساننىڭ” استى ءتيىپ، كوتەرىلە المادى… ول ول ما، كولىگىمىزدىڭ ارتقى بامپەرى جوق. قاشان، قاي جەردە ۇشىپ كەتكەن، تۇسىنبەيبىز… سول كوتەرگىشكە سوعىلعاننان كەيىن بولعان شىعار. سول جەردە ايالداپ تۇرعاندا، ءبىر ورىس جانىمىزعا توقتاپ، “بامپەرلەرىڭ 2- 3 شاقىرىم جەردە جولدىڭ شەتىندە جاتىر”، – دەدى.

 

سەرىكجان: “بامپەردى قويشى، ەڭ قورقىنىشتىسى، باعاناعى ءبىز قۇساپ وعان دا بىرەۋلەر سوعىلىپ، ومىرلەرىنە قاۋىپ تونەدى عوي…. بارىپ جولدان الىپ تاستاماساق، مەنىڭ كوڭىلىم تىنشىمايدى، ءومىر بويى ەسىمە تۇسكەندە ءوزىمدى جازعىرىپ وتەتىن بولام…” – دەدى. مەن: «ەندەشە كەرى بارىپ، بامپەردى جولدان الىپ تاستايىق، 2- 3 شاقىرىم دەگەن تۇك ەمەس قوي… ەشكىمنىڭ ومىرىنە قاۋىپ توندىرمەيتىنىمىزگە كوز جەتكىزەيىك، كوڭىلىمىز جايلانسىن…» – دەدىم. سودان “اۆارييكانى” قوسىپ، اقىرىنداپ ارتقا ءجۇرىپ وتىردىق. بامپەر كوزگە شالىنبادى. نۇرگەلدى قارسى باعىتتاعى ءبىر كولىك جۇرگىزۋشىسىن ارنايى توقتاتىپ، جول- جونەكەي مۇقيات قاراي ءجۇرۋدى، بامپەر جاتسا، الىپ تاستاۋىن ءوتىندى»، – دەيدى تەلەجۇرگىزۋشى.

 

مۇنان كەيىن تەلەجۇرگىزۋشى وتىرعان كولىك يەرەلەڭدەپ، ارەڭ جۇرگەن. انىقتالعانداي، كولىكتىڭ دوڭگەلەگى قىرقىلىپ، تۇگى قالماپتى.

 

«امال جوق، تاعى دا ءبىر اللاعا سىيىنىپ، ارى قاراي كەتتىك. 15- 20 مينۋت وتەر- وتپەستەن كولىگىمىز يرەلەڭدەپ “بيلەي” جونەلدى. كولىكتىڭ استىنان ساتىر- سۇتىر ەتكەن ءبىر دىبىستار شىعىپ، تاعى دا ء“بىسمىللا، ءبىسمىللا. . ” دەپ، جولدىڭ شەتىنە توقتادىق. ارتقى وڭ جاق دوڭگەلەك قىرقىلىپ، تۇك قالماپتى… قىسقاسى، جاركەنتكە مەجەلى ۋاقىتتان ءبىر ساعات كەشىگىپ جەتتىك. “جول ازابىن جورتقان بىلەر…” دەگەن وسى.

 

امان- ەسەن كەلگەن سوڭ، ەكى كوتەرگىشتىڭ ءدال ەكى جولاقتىڭ قاق ورتاسىندا، نە ارى، نە بەرى قاشۋ مۇمكىن ەمەستەي ەسەپپەن، قولمەن قويعانداي ورنالاسۋى ءبارىمىزدى ءارتۇرلى كۇدىك- كۇمانعا جەتەلەدى. ءسوز سوڭىندا “بۇل، ءداۋ دە بولسا، بىزگە ارنايى جاسالعان قاستاندىق” دەگەن قورىتىندىعا كەلدىك.

 

بۇگىنگى “تار جول، تايعاق كەشۋدەگى” ەكى جاعدايدا دا نۇرگەلدى، جاس تا بولسا، كانىگى جۇرگىزۋشىلەردەي دەر كەزىندە دۇرىس شەشىم قابىلداپ، تىزگىندى وتە جاقسى الىپ شىقتى. ءبىر ەمەس، ەكى اجالدان قالدىق…» – دەيدى ساۋلە ابىلداحانقىزى.

بۇل شىعارلىمعا باعاڭىز
(2 داۋىس)
سوڭعى رەت وزگەرتىلگەن Бейсенбі, 12 Шілде 2018 12:47

پىكىر قالدىرۋ

جۇلدىزشامەن (*) كورسەتىلگەن بارلىق قاجەتتى اقپاراتتى ەنگىزگەنىڭىزگە كوز جەتكىزىڭىز. HTML-كودقا جول بەرىلمەيدى.

Ad Sidebar

تاريحي وقيعالار

Latest Tweets

SeoBin | Marketing Agency HTML Template updated with 2 new home https://t.co/mxLG1wKFPc https://t.co/w4arzHoAVx
RT @dhh: MailChimp is an inspiration! $300M+/year in revenues, profitable, based in Atlanta, NO VC. Wonderful. 🐒❤️ https://t.co/qmj0MNAQOo
Barrister - Responsive Law Business @joomla Template setup guide! https://t.co/GwqHcdxyDi https://t.co/qzEEldYie3
Follow Themewinter on Twitter

Post Gallery

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

قىتاي كەلىمسەكتەرى

گەرمانيا ۇكىمەتى سايراگۇل ساۋىتبايعا اراشا ءتۇستى.

باس مۇفتيگە اشىق حات

"قىتايداعى قازاق ماسەلەسى. سايراگۇل ساۋىتبايعا اراشا" اتتى ءباسپاسوز ءماسليحاتىنا شاقىرامىز

Яндекс.Метрика