اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

ەركىن ازاتتان قىزىما حات

By Маусым 05, 2018 352 0


ەركىن ازاتتان قىزىما حات

قۇرمەتتى قىزىم ايجان:

سەن ءبىر كۇنى ۇيىڭە جۇگىرىپ كەلگەندە، مەن جوق بولارمىن، «اكەم قايدا؟» دەپ ىزدەرسىڭ، بالكىم ول كەزدە مەن قىتاي-قازاقستان دوستىعىنا ىرىتكى سالۋشى رەتىندە ازاپتالىپ تەرگەلۋدەمىن، بالكىم ول كەزدە مەن جاسىرىن تۇردە قىتايعا جىبەرىلىۋىم مۇمكىن، بالكىم مەنىڭ قىتايداعى تۋىستارىمدى قيناۋ ارقىلى، «ءوز ەركىممەن» قىتايعا كەتۋىم مۇمكىن، بالكىم، ... ... ، بىراق بۇلار ماڭىزدى ەمەس، مەن ول كەزدە ازاپتاۋعا ۇشىرايمىن، سوققى جەيمىن، توككە سوعىلامىن، سۋعا تۇنشىقتىرىلامىن، جوق جالانى مويىنداۋعا ءماجبۇر بولامىن، بۇلدا ماڭىزدى ەمەس، بالكىم سەن مەنى جەك كورەتىن شىعارسىڭ ول كەزدە، قازاقستان ازاماتى بولا تۇرا تىنىش جۇرمەي قىتايمەن جاعالاسىپ نەسى بار ەدى دەپ، ءيا، مەن اقىماق بولارمىن، بىراق مەنى ۇلتقا دەگەن ماحاببات جىبەرمەدى، قىتاي جاققا قاراماي تەرىس قارايمىن، بىراق قۇلاعىما ولاردىڭ شىڭعىرعان داۋىستارى ەستىلەدى، قۇلاعىمدى جاۋىپ الامىن، بىراق ولاردىڭ ازاپتالعانى كوز الدىما كەلەدى، كوزىمدى تارىس جۇمىپ الامىن، بىراق ولاردىڭ كوز جاستارى جۇرەگىمدى تەسىپ جىبەردى.

مەن ءۇنسىز وتىرۋعا ەركەكتىك نامىسىم جىبەرمەدى. بالكىم مەن سەن ءۇشىن جاۋاپكەرسىز اكەمىن، وسىدان كەيىن سەن اكەسىز وسەتىن شىعارسىڭ، بىراق ەلدەر مەن تۋرالى نە دەسەدە، ءبىر نارسەنى ءبىلۋىڭدى ءۇمىت ەتەمىن، اكەڭنىڭ ارى تازا، ەشكىمگە جاماندىق ىستەمەدى، ەشكىمنىڭ الا ءجىبىن اتتاماعان، ەشكىمدى عايباتتاپ جامانداپ كورمەگەن، ەشكىمگە جاماندىق ويلاماعان، ەشكىمنىڭ وسەگىن تاسىماعان، اللانىڭ الدىندا دا ارىم تازا دەپ ويلايمىن..

مەنى ماقتان تۇت دەپ تۇرعان جوقپىن، بىراق مەن سەنىمەن ماقتانامىن، سەن مەنىڭ گۇلىمسىڭ، رۋحىمسىڭ، مەن تەك سەن ەسەيگەندە قازاقستانعا قالىڭ قىتاي قاپتاپ: «مىندا تەگىن قىزدار بەرىپ جاتىر، كەلىپ ساتىپ الايىق» دەگەن كۇنگە قالماسا ەكەن دەگىم كەلەدى. ءيا، اكەڭنىڭ قولىنان نە كەلەدى، ەشتەڭەدە كەلمەيدى، قىتايلار ءبىر توسپانىڭ اعىنى سەكىلدى توقتاماي قاپتاي بەرەدى، مەن ءبىر ءجاي حالىقتىڭ ءبىرىمىن، ايلىعىم 70~90 مىڭ تەڭگە، ونىدا دۇرىس بەرىلمەيدى، تاكسيلىق نەمەسە قوسىمشا كاسىپ ىستەپ جانە شەشەڭ ەكەۋىمىز بىرگە ىستەپ ءجۇرىپ وسى ءۇيدى اسىراپ ءجۇرمىز، ءيا، ءۇي جالعا الىپ وتىرمىز، ەرتەڭ ءبىزدى قوجايىن قۋىپ شىقسا دا جۇرەمىز ءۇي ىزدەپ ساندالىپ، مەنىڭ دە ماسەلەم جەتەدى، شەشەڭنىڭ دە كرەديتى بار، ونىڭ دا ماسەلەسى ءبىر توبە. ناعىندا مەن مۇنداي ساياساتقا ارالاسپاۋىم كەرەك ەدى، بۇل بىزبەن تىكە قاتىسى جوق ساياسات ءبىزدىڭ قالتىلداپ وتىرعان ءومىرىمىزدى كۇل-تالقانىن شىعاراتىنا كوزىم ابدەن جەتىپ وتىر. ءيا، مەن ءوزىمشىل اكەمىن، سەندەردىڭ ومىرلەرىڭمەن قىتايداعى قازاقتاردىڭ ءومىرىن ءباس تىگىپ وتىرمىن. مەن ءۇنسىز 40 جىل ءجۇردىم، 85 تەگى كۇنەستەگى كورشىمىز قاديشا اپامىز ءبىز كورمەگەن زوبالاڭدى كورسە دە ءۇنسىز كەلدى، ولار اشتىق كەزىندە تۋىلدى، سوناۋ قىرعىن سوعىستى كوردى، مادەنيەت زور توڭكەرىسىن كوردى، ساياسي قۇعىن-سۇرگىن كوردى، ەندى تىنىشتالدى-اۋ دەگەندە، قازىر سول كۇنەستە جەر سىپىرتىقىزىپ قويىپتى، «جاقسى سىپىرماساڭ ۇيرەنۋگە جىبەرەمىز» دەپ قورقىتادى ەكەن، ءيا، 85 تەگى قاديشا اپاڭ، ۇنەمى قالتاسىنا قانت-كامپيت سالىپ جۇرەتىن اپاڭ، ءبىز توسەكتەن ورىنان سۇيەپ تۇرعىزىپ، دارەت العانشا قاسىندا سۇيەپ جۇرەتىن اپامىزدى قازىر ەڭكەڭدەتىپ جەر سىپىرتقىزادى ەكەن. كۇيەۋلەرىن، ەركەك كىندىكتىلەردى تۇگەلىمەن لاگەرگە تىعىپ، تىرىدەي سويىپ، اعزالارىن ىشكى قىتايعا تاسىمالداپ، بالالرىن ىشكى قىتاي جەتىمدەر جاتاعىنا جىبەرىپ، ۇيلەرىنە جاتىپ الىپ، قىزدارىڭدى بەرمەسەڭ وزدەرىڭدى قامايمىز دەپ قورقىتىپ، ايەلدەردى زورلاپ جاتقاندى كورگەندە، بۇدان اسقان قورلىق بارما دەپ ويلامىن؟ بۇنداي قورلىقتى ءار قانداي جاۋىز يمپەرييا ىستەمەگەن شىعار، ولار قانشا جاۋىز بولسا دا، مۇنداي ارەكەتكە ەركەكتىك نامىستارى جىبەرمەيتىن شىعار.

مەن بىلمەي كەتتىم، 21 عاسىردا مۇنداي جاۋىزدىق بولادى دەپ ويلاماپپىن، ءتىپتى بۇنى كىشكەنە ءبىر ەل ەمەس، ۇزاق تاريحىمىز بار، مادەنيەتىمىز بار، زاڭىمىز بار دەيتىن الپاۋىت، ەكونوميكاسى دامىعان، بۇۇ تۇراقتى القا مۇشەسى قىتاي ەلى وسىلاي ىستەيدى دەپ ويلاماپپىن، بۇل جاۋىزدىق توقتار دەپ ويلادىق، ۋاقىتشا ءبىر انتي-تەرروريست ارەكەت شىعار دەپ ويلادىق، شەكارانى اشاتىن شىعار دەپ ويلادىق، قىتاي ەندى قوياتىن شىعار دەپ ويلادىق، بىراق، جوق! ولاي ەمەس بولىپ شىقتى، ولار بۇدان دا ۇدەپ كەلەدى، ەندى قامايتىن كارىلەردى قاماپ بولعان سوڭ، قامايتىن ادام قالماعاندا قازاق، ۇيعىر كوممۋنيست كادرلەردىڭ وزىنە سەندەر دە كىرەسىڭدەر دەپ كىرگىزىپ جاتىر، بۇل جاعدايدى مەن تەك ەۆرەيلەردىڭ قىرعىنىندا وقىعام، ەۆرەيدىڭ ساتقىندارى بارلىق ەۆرەيدى نەمىستەرگە ساتىپ، ۇستاپ بەرىپ، ەڭ سوڭىندا ۇستايتىن، قامايتىن ەۆرەي قالماعاندا، سول ساتقىن ەۆرەيلەردىڭ وزدەرىن دە ۇستاپ لاگەرگە قاماعان، سول ساتقىن ەۆرەيلەر وزدەرى ۇستاپ بەرگەن ەۆرەيلەرمەن بىرگە ولىتىرىلگەن. ەستەرىڭىزدە بولسا 1933 جىلى لاگەر سالىپ باستاعان، 1945 ەمەس، ول كەزدە دۇنيە ءجۇزى ءۇنسىز بولاتىن، ەگەر دە ءبىز دە وسى كەزدە ۇنسىدىك جارييالاساق، پولشانىڭ كۇنىن كەشەمىز.

ءيا، قىزىم ايجان، ەگەر قىتايلار سەنىڭ اتىڭداعى «ءايدى» الىپ تاستا، دىندىك سيپات الادى ەكەن دەسە، سوندا «جان» عانا قالاتىن سيياقتى، سول سيياقتى قىتايداعى قازاقتار مەن ۇيعىرلاردىڭ تەك «جاندارى» عانا قالدى، ولاردىڭ تىلدەرى، دىندەرى، دىلدەرى، مادەنيەتتەرى، سەنىمدەرى، ار-ۇجداندارى قۇرتىلدى. ولار ءاربىر كۇندى ۇرەيمەن اتىرادى. مەن بالكىم قاستاندىققا ۇشىراپ نەمەسە ادەيى جاسالعان كولىك شىرعالاڭىنان قايتىس بولارمىن. بىراق مەنىڭ مىندەتىمدى جالعاستىرا بەرۋىڭدى تىلەيمىن، ول كىسىلىك قۇقىق جولىندا بەيبىتشىلىك جولمەن (استە تەررورلىقتى قولدامايمىن) ار-نامىستى ەشكىمگە تاپتاتپاۋ. امان بول قىزىم، اكەڭ اۋىر جول تالداپ الدى وزىنە، ءسۇيدىم ماڭدايىڭنان!

FACEBOOK

ەركىن ازات. 05.ماۋسىم.2018

بۇل شىعارلىمعا باعاڭىز
(3 داۋىس)
Ad Sidebar

تاريحي وقيعالار

Latest Tweets

@envato_help Dear ticket id: 1266898. No one answering the ticket. 2 days without a solution. Please, check.
Insurance Agency Joomla Business Template on #Themeforest https://t.co/GKqY99ixQX https://t.co/WgAaR3wDBc
GeoBin - Digital Marketing Agency, SEO WordPress Theme Updated on #Themeforest https://t.co/drKfnOA82e https://t.co/lR8UFr7zPp
Follow Themewinter on Twitter

Post Gallery

ورالمان ءكۋالىك ءماسەلەسى وڭ شەشىم تاپپاق.

حالىق جاناشىرلارى

قازاقستاندا "حۋاچياۋ" بولىپ جۇرگەندەر بار

بۇگىن الماتى قالاسىندا اتاجۇرت جاستارى ەرىكتىلەرىنىڭ ۇيىمداستىرۋىمەن ءباسپاسوز ماسليحاتى ءوتتى.

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

Яндекс.Метрика