اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

قىتاي ەلشىلىك وكىلدەرى نەگە ستۋدەنتتەرمەن كەزدەسىپ ءجۇر؟ ؟ ؟

By Сәуір 11, 2018 1403 0

قىتاي ەلشىلىك وكىلدەرى نەگە ستۋدەنتتەرمەن كەزدەسىپ ءجۇر؟ ؟ ؟


قىتاي ەلشىلىك وكىلدەرى تاراز مەملەكەتتىك ۋنيۆەرسيتەتىندە قىتايدان كەلىر وقىپ جاتقان ستۋدەنتتەرمەن كەزدەسۋدە

م. ح. دۋلاتي اتىنداعى تاراز مەملەكەتتىك ۋنيۆەرسيتەتىندە وقىپ جاتقان قىتايدان كەلگەن ستۋدەنتتەرمەن كەزدەسەدى ەكەن»- دەگەن سۋىت حاباردى ەستىپ، «ولار نە ماقساتپەن بارادى؟ ستۋدەنتتەردەن نە سۇرايدى؟ نە ايتادى؟ »- دەگەن وي ءبىزدى مازالاعانى سونشا تىنىش وتىرا المادىق دەيدى قوعام بەلسەندىسى ورازۇلى قىدىرالى. "سودان مەن بىردەن الماتىدان تاكسيگە وتىرىپ تارازعا جەتتىم، 9 ءساۋىر كۇنى ساعات 15:30 دا م. ح. دۋلاتي اتىنداعى تاراز مەملەكەتتىك ۋنيۆەرسيتەتى تەحنيكالىق پاندەر فاكۋلتەتىنىڭ جيىن زالىندا اتالمىش كەزدەسۋ باستالدى.
وزدەرىن قىتاي ەلشىلىگى وكىلىمىز دەپ تانىستىرعان ەكى قىتاي ازاماتتارى "ۆان" مەن "گو" ەلشىلىك اتىنان ءسوز سويلەدى.

مەملەكەتتىك ءتىلدى مۇلدەم بىلمەيتىن، شالا ورىسشا ساۋاتى بار ۆان ءسوز الىپ، ستۋدەنتتەرمەن كەزدەسكەنىنە قۋانىشىن ءبىلدىرىپ، قاسىنداعى گو- نى تانىستىرا كەلىپ وعان ءسوز بەردى. گو ءتىپتى مەملەكەتتىك ءتىل ەمەس، ورىس تىلىندە بىلمەي شىقتى، ول قىتاي تىلىندە ەكى ەل قارىم- قاتىناسى تۋرالى اقپاراتتاردى جىپكە ءتىزىپ، «ەكى ەل اراسىنداعى مادەني وقۋ- اعارتۋ سالاسىن دامىتۋ ەكى ەل بايلانىسىن ارتتىرادى»- دەدى. ول ستۋدەنتتەرگە «سەندەر باقىتتىسىڭدار، سەندەرگە وسىنداي جاعداي جاساپ وتىرعان قىتاي ۇكىمەتى سەندەردەن زور ءۇمىت كۇتەدى، سەندەر وقۋلارىڭدى بىتىرە سالىپ وتانعا قايتىڭدار، وتانعا قىزمەت ەتۋگە سەندەر بورىشتىسىڭدار، مەنشە سەندەر قىتاي ءتىلىن ۇمىتىپ قالىپسىڭدار، ولاي بولمايدى، قىتاي ءتىلى بولاشاقتا الەم ءتىلى بولادى، سەندەر قىتاي ءتىلىن ءبىرىنشى ورىنعا قويىپ ۇيرەنىڭدەر، سەندەر قايدا جۇرسەڭدەردە قىتاي ۇكىمەتى قورعايدى، الماتى جانە استانا قالالارىندا قىتاي ەلشىلىگى بار، ول سەندەردىڭ ۇيلەرىڭ، سەندەر قىينالساڭدار سول ۇيلەرىڭە بارىڭدار، ءبىز ارقاشان سەندەرگە كومەكتەسەمىز»- دەپ وزدەرىن قامقورشى، جارىلقاۋشى ەتىپ كورسەتتى.

ەستەرىڭزگە سالا كەتەيىك، 2017 جىلى شىڭجاڭداعى قازاقتارعا ساياساتىن كۇرت وزگەرتكەن قىتاي بيلىگى «اسىرا سىلتەۋ بولماسىن، اشا تۇياق قالماسىن»- دەپ ونداعى قازاقتاردى جاپپاي كونЦلاگەرЬ(ساياسي ۇيرەنۋ ورتالىعى) گە قاماپ جاتقانى بەلگىلى، ءتىپتى قازىرگە دەيىن 8 قازاقستان ازاماتتارىن دا ەش سەبەپسىز تۇرمەدە ۇستاپ وتىر.
“قازىرگە دەيىن ءبىزدىڭ قولىمىزدا تەك قىتايدان قازاقستانعا كوشىپ كەلگەن قانداستاردى، قىتاي ۇكىمەتى الداپ شاقىرتىپ الىپ پاسپورتتارىن تارتىپ الىپ، كوبىن اتالمىش ساياسي ۇيرەنۋ دەيتىن تۇرمەگە قاماپ تاستادى، ونىڭ ىشىندە قىتايدان قازاقستانعا كەلىپ ءتۇرلى وقۋ ورىندارىندا وقىپ جاتقان ستۋدەنتتەر 2018 جىلعى «قىسقى كانيكۋ» كەزىندە قىتايداعى اكە- شەشەسىنە بارعاندا سەبەپسىز ۇستالىپ قالعنداردان 41 ستۋدەنت بار.

باستارىنا قاپ كيدىرىپ ساياسي ۇيرەنۋگە اكەتكەندەر

«بىرجاعىنان تۇرمەگە تىعىپ، بىرجاعىنان جارىلقاۋشى» بولعان بۇل قىتاي ەلشىلىك وكىلدەرىنىڭ قىلىعىنا نە كۇلەرىمدى نە جىرلارىمدى بىلمەدىم”- دەيدى ورازۇلى قىدىرالى.
ەلشىلىك وكىلى ستۋدەنتتەر اراسىنان «كىم بەلسەندى»؟ دەپ سۇراپ ستۋدەنتتەر اراسىنان ەكى ستۋدەنتكە «ۆيچات ارقىلى وسى ستۋدەنتتەردەن توپ قۇرىپ، ءبىزدى قوسىپ كۇندەلىكتى بىزبەن سويلەسىپ وتىرىڭدار»- دەپ بۇيرىق بەردى، ەكى ستۋدەنت قورىققاندارىنان ەش ءسوز ايتپاستان كەلىسىم بەردى. ءتىپتى سوراقىسى وزدەرى ارنايى دايىنداپ اكەلگەن، سىرتى باسقا، ءىشى باسقا «قىتاي ۇكىمەتى مەن ءپارتياسىن جىرلاعان» كىتاپشانى بارلىق ستۋدەنتتەرگە تاراتتى.

(قىتاي وكىلى ستۋدەنتتەرگە كىتاپ تاراتىپ جاتىر)

تىلشى:ستۋدەنتتەر نەگە قورقادى؟
ورازۇلى قىدىرالى:
«قىتايداعى جاعدايدى ەستىپ ابدەن قورقىپ قالعان ستۋدەنتتەردە ءۇن جوق، وسى جىلعى قىسقى كانيكۋل كەزىندە بۇل ۋنيۆەرسيتەتتىڭ دايىندىق كۋرسىنان 8 ستۋدەنت ال 1 كۋرسىنان 2 ستۋدەنت قىتايعا بارىپ، ۇستالىپ قايتا كەلە الماي قالعان، ولاردىڭ كەيبىرى ساياسي ۇيرەنۋ لاگەرىندە قاماۋدا وتىر، وسىنى ءۇنسىز ءبىلىپ، دەنەسىن قورقىنىش بيلەگەن جاستار جاۋتاڭداپ ماعان قارايدى، جۇزدەرىن كورىپ اياپ كەتتىم. »
قىتايداعى اكە- شەشەلەرىمەن سويلەسە الماي، سويلەسسەدە «بىزدە ءبارى جاقسى»- دەگەن ءبىر اۋىز سوزدەن باسقا ايتپايتىن اكە- شەشە، تۋعان- تۋىستارمەن شەشىلىپ سويلەسە الماي شەرمەندە بولعان جاستار، كەيبىرىنىڭ اكە- شەشەسى اقشا سالىپ تۇرعان بانك كارتوچكاسىن دا قىتاي ۇكىمەتى توقتاتىپ تاستاعان، وسىنداي قىسىمنىڭ استىندا ۇرەي مەن قورقىنىشتا جۇرگەن ستۋدەنتتەردى كورىپ جۇرەگىم اۋىردى».
ەلشىلىك وكىلى ستۋدەنتتەرگە قاراپ «سەندەردە قانداي سۇراقتار بار»- دەپ سۇرادى، "تەزىرەك ءبىتىپ كەتكەنىن تىلەپ وتىرعان" ستۋدەنتتەر بىردەي، اۋىزدارىنا تۇكىرىپ قويعانداي «جوق، جوق»- دەپ شۋلادى. ەلشىلىك وكىلدەرى ولارمەن كوبىرەك پپىكىرلەسپەك بولىپ، ارىراي جالعاستىرعىسى كەلىپ ەدى، مەن ورنىمنان تۇرىپ، مەندە «سۇراق بار» دەدىم، الدىمەن تۇسىنىكتى بولۋ ءۇشىن قازاق تىلىندە سونداعى ۋنيۆەرسيتەت مۇعالىمدەرى مەن دەكاندار، رەكتور ورىنباسارىنا «قازىر رەسپۋبليكا بويىنشا 41 ستۋدەنت قىسقى كانيكۋل كەزىندە قىتايعا بارىپ قايتا كەلە الماي ۇستالىپ قالعانىن، وسى ۋنيۆەرسيتەتتەن 10 ستۋدەنت كەلمەگەنىن ايتىپ، سول تۋرالى سۇراق قويايىن»- دەدىم، ءبارى «دۇرىس دۇرىس» دەپ باس يزەستى، ولاردىڭ دا تىلەگەنى وسى ەدى. سوسىن مەن ەلشىلىك وكىلىنە «سىزدەر بۇل ستۋدەنتتەردى قورعايمىز، قامقور بولامىز، سەندەر ەلگە قايتىڭدار، ول جاقتا جالاقى جوعارى بولادى، ءبىز سەندەردىڭ ديپلومدارىڭدى راستاپ بەرەمىز، سەندەر قىتايدىڭ كەز- كەلگەن جەرىندە قىزمەت ىستەي الاسىڭدار»- دەيسىڭدەر، ال وسى جىلى كانيكۋل كەزىندە سەندەر ايتقان «وتانعا» قايتقان 41 ستۋدەنت ەشسەبەپسىز سۇراققا الىنىپ، الدى ساياسي ۇيرەنۋ لاگەرىنە قامالىپ وقىپ جاتقان وقۋىنا كەلە الماي قالدى، سىزدەر الدىمەن وسى بالالاردىڭ ماسەلەسىن شەشپەي تۇرىپ بۇلارعا قانداي كومەك جاسايسىزدار؟ ولار نە ءۇشىن ۇستالدى؟ قايدا قامقورلىق؟ سەندەر كەلگەن وسى ۋنيۆەرسيتەتتەن 10 ستۋدەنت كەلەالماي قالدى، نەگە؟ ولاردى كورگەن مىنا ستۋدەنتتەر قالاي قايتادى؟ ولار جازعى كانيكۋلدا ۇستالىپ قالسا كىم جاۋاپ بەرەدى؟ » دەپ سۇراق قويدىم، ەلشىلىك وكىلدەرىنىڭ تۇرلەرى بۇزىلىپ كەتتى، ماعان «ءسىز كىم بولاسىز؟ » دەيدى، مەن «سول قامالعان ستۋدەنتتەردىڭ اعاسى بولامىن»- دەدىم. سوسىن ەلشىلىك وكىلى «بۇل ماسەلەنى مەن تۇڭعىش رەت ەستىپ تۇرمىن، ماعان تىزىمدىگىن بەرىڭىز، مەن بارىپ انىقتايىن»- دەپ جينالىستى بىردەن اياقتاتتى اككى ەلشى وكىلى. ستۋدەنتتەر «ءسىز كەلمەسەڭىز ەشكىم ايتپاس ەدى»- دەپ ريزا بولىپ، جۇزدەرىنە قۋانىش ۇيالادى.

ەرتەسى 10 ساۋىردە ەلشىلىك وكىلدەرى وسى ۋنيۆەرسيتەت رەكتورىمەن كەزدەسەتىن بولدى، سوسىن مەندە رەكتورمەن كەزدەسەيىن دەپ بىر ءبىر كۇنگە ايالدادىم، 10 ءساۋىر ساعات 9:00 دە م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەكتورى وتىراتىن عيماراتقا باس سۇعىپ، ەكىنشى قاباتىندا الدىمەن رەكتور ورىنباسارلارىمەن قىتايداعى قازاق ماسەلەسى جانە قايتپاي قالعان ستۋدەنتتەر تۋرالى اڭگىمەلەستىم، سالدەن سوڭ وسى ۋنيۆەرسيتەتتىڭ رەكتورى سارىبەكوۆ مۇحامەتقالي اعامىز كەلدى دەگەن سوڭ، رەكتور ورىنباسارى رەكتورمەن كەزدەسۋگە كەلگەن قالىڭ ادامنان بۇرىن جانە اتالمىش قىتاي ەلشىلىك وكىلدەرىنەن بۇرىن مەنى ءبىرىنشى بولىپ رەكتورمەن كەزدەستىردى.
مۇحامەتقالي اعامىزبەن قىتايداعى قازاقتار ماسەلەسىن تالقىلاپ، وسى ۋنيۆەرسيتەتتەن قىتايعا بارىپ كەلە الماي قالعان ستۋدەنتتەر ءجايىن سويلەسىپ، وقىپ جاتقان ستۋدەنتتەردىڭ ىشىندە قىتايداعى ۇيىنەن اقشا الاالماي وقۋ اقشاسىن تولەي الماي جاتقان ستۋدەنتتەر ماسەلەسىن ايتىپ، رەكتور مىرزا بۇل ماسەلەنى بىلەتىنىن، وسى كەلگەن ەلشىلىك ۋاكىلدەرى وسىدان بۇرىن حات جازىپ «وقۋ- اعارتۋ سالاسىندا اۋىس- كۇيىس جاساۋ » دەگەن اتپەن كەزدەسەتىنىن بىلدىرگەنىن ايتتى، «ەندى مىنە بۇلارمەن بۇگىن مەن كەزدەسۋدە «قايتپاي قالعان ستۋدەنتتەر» تۋرالى مىندەتتى تۇردە حات جازىپ قولدارىنا ۇستاتامىن»- دەدى، ءارى جازدىق كانيكۋل كەزىندە وسى ستۋدەنتتەرگە قىتايعا بارماي ۋنيۆەرسيتەت جۇمىستارىنا ورنالاستىرۋعا كومەكتەسەتىنىن، وقۋ قاراجاتىن تولەي الماي جاتقاندارعا دا جاعداي قاراستىراتىنىن»- ايتتى. كەزدەسۋ سوڭىندا مەن وسى ستۋدەنتتەرمەن جيىن زالىندا وقىتۋشىلارمەن بىرگە كەزدەسۋ وتكىزسەك دەگەن ءوتىنىشىمدى قابىلداپ، رۋحساتىن بەردى.
دايىندىق كۋرسىنىڭ دەكانىنىڭ ورىنباسارى باقىتجان بولاتۇلىنىڭ ۇيىمداستىرۋىمەن ءبىز قىتايدان كەلىپ وقىپ جاتقان ستۋدەنتتەرمەن 2 ساعات كەزدەسۋ وتكىزىپ، ولاردىڭ الداعى جوعارى مەكتەپ ەمتيحانىنا قالاي دايىندالۋ، قانداي ماماندىقتار تالداۋ، ازاماتتىققا قالاي قۇجات تاپسىرۋ، جازدىق كانيكۋلدا جۇمىس تابۋ بويىنشا ءتۇرلى سۇراقتارمەن پىكىرلەسىپ قايتتىم.

( تاراز مەملەكەتتىك ۋنيۆەرسيتەتىنىڭ دايىندىق كۋرس ستۋدەنتتەرىمەن كەزدەسۋ)

جالپى ايتقاندا مەنى بىرنەش سۇراق مازالايدى؟
1. قىتاي ەلشىلىك وكىلدەرى ءبىزدىڭ سىرتقى ىستەر مينيسترلىگىنىڭ رۋحساتىنسىز ەمىن- ەركىن ءبىزدىڭ ۋنيۆەرسيتەتتەردى ارالاپ، وندا قىتاي يدەيالوگياسىن تاراتۋعا قانشالىقتى قۇقىعى بار؟
2. ءدال قازىر قىتايداعى قازاقتاردى سەبەپسىز تۇرمەلەرگە توعىتىپ جاتىپ، مىنا جاقتا ءبىزدىڭ بالالارىمىزعا قامقورشى بولا قالادى؟
3. ءتىپتى كانيكۋلدا ۇيىنە بارعان ستۋدەنتتەردى جىبەرمەي، ولاردى دا تۇرمەگە سالىپ، مىنا جاقتا تۇك بولماعانداي «سەندەر ەلگە قايتىڭدار» دەپ ۇگىتتەگەنىندە نە جاتىر؟
وسى سۇراقتار مازالاپ، تارازداعى بويلارىن قورقىنىش بيلەگەن ءىنى- قارىنداستارىما «سەندەردىڭ قورعاندارىڭ قازاقستان، وسىنى ەشقاشان ۇمىتپاڭدار»- دەپ، بويىمدى اۋىر ويلار مەڭدەپ الماتىعا ات باسىن بۇردىم”- دەپ ءسوزىن اياقتادى قوعام بەلسەندىسى ورازۇلى قىدىرالى مىرزا.

سۋحباتىڭىزعا راقمەت.

سۇحباتتاسقان: گۇلجان

بۇل شىعارلىمعا باعاڭىز
(1 داۋىس)
سوڭعى رەت وزگەرتىلگەن Сәрсенбі, 11 Сәуір 2018 15:30

اعىمداعى جاڭالىقتار

Ad Sidebar

تاريحي وقيعالار

Latest Tweets

@envato_help Dear ticket id: 1266898. No one answering the ticket. 2 days without a solution. Please, check.
Insurance Agency Joomla Business Template on #Themeforest https://t.co/GKqY99ixQX https://t.co/WgAaR3wDBc
GeoBin - Digital Marketing Agency, SEO WordPress Theme Updated on #Themeforest https://t.co/drKfnOA82e https://t.co/lR8UFr7zPp
Follow Themewinter on Twitter

Post Gallery

ورالمان ءكۋالىك ءماسەلەسى وڭ شەشىم تاپپاق.

حالىق جاناشىرلارى

قازاقستاندا "حۋاچياۋ" بولىپ جۇرگەندەر بار

بۇگىن الماتى قالاسىندا اتاجۇرت جاستارى ەرىكتىلەرىنىڭ ۇيىمداستىرۋىمەن ءباسپاسوز ماسليحاتى ءوتتى.

اقش بيلىگى شىڭجاڭداعى قايتا تاريەلەۋ لاگەرنە باسا نازار اۋداردى

اقش پەن قىتاي ساۋدا سوعىسى – ەل باسشىلىعى مەن حالقى اراسىنا جىك تۇسىردى

سايراگۇل ءىسى: قىتاي مەن قازاقستاننىڭ اراسىن اشا ما؟

«سينگاپۋر سيندرومى» –قازاق ودان قالاي قورعانا الادى؟

مەملەكەتىمىز بەن ۇلتىمىز سىنالار سوت

Яндекс.Метрика