اكاۋىنتىڭىزعا كىرىڭىز

پايدالانۋشى اتى *
قۇپيا ءسوز *
مەنى ەستە ساقتا

اككاۋنتى جاساۋ

جۇلدىزشامەن (*) بەلگىلەنگەن مىندەتتى ورىندار تولتىرىلۋ قاجەت.
اتى- ءجونى *
پايدالانۋشى اتى *
قۇپيا ءسوز *
قۇپيا ءسوزدى قايتالاڭىز *
Email *
Email پوشتانى قايتالاڭىز *
Captcha *
Reload Captcha

شىنجاڭداعى- كونسلاگەرلەر

شىنجاڭداعى- كونسلاگەرلەر

 

تيبەت حالقىن- شەكسىز بيلىك، زورلىقتى كۇش ارقىلى تىپ- تيپىل ەتىپ، ونداعى جۇرتتىڭ سانعاسىرلىق سالت- ءداستۇرىن، ءاناتىل- باعزى جازۋىن تۇگەلدەي جويىپ، 5 جىل ىشىندە قىتايلاستىرىپ، شىتجاڭا «قىتايلاسقان تيبەت حالقىن» جاساپ شىققان چەن شۋانگونى ەرەن ەڭبەگى ءۇشىن، قىتاي باسشىسى ماراپات مەدالىن تاقتى. ءسويتىپ بۇل "اسىرە ۇلتشىل اپەرباقان" باسشىنى، قىتاي بيلىگى 2016 جىلدىڭ سوڭىندا تامان، وزگە ۇلتتارمەن بىرگە 2 ميلليون شاماسىنداعى قازاقتار تۇراتىن شۇار (شىڭجاڭ) ولكەسىنە باسشى ەتىپ تاعايىندادى.
اككى باسشى چەن شۋانگو نەگە سەنگەنى بەلگىسىز، كەلە سالىپ شىڭجاڭ دا باياعى تيبەتتە جاساعان «زورلىقتى كۇشپەن قىتايلاستىرۋ زۇلىم ساياساتىن» باستاپ كەتتى.

چەن شۋانگونىڭ شىڭجاڭداعى زورلىعى

 

بىرىنشى: شىڭجاڭدا «2020- شى جىلدان باستاپ ونداعى ۇلتتاردىڭ جەكە كۋالىگىندە ۇلتى جازىلمايدى»- دەگەن جابىق تۇردەگى ىشكى قۇجات شىعاردى. بىراق بۇل جوسپاردى مەرزىمىنەن بۇرىن جاساۋعا تالپىنعان بەلسەندى باسشى 2018- جىلدىڭ باسىنان باستاۋعا قامدانىپ، ىسكە دە كىرىسىپ كەتتى.
ەكىنشى: الدىمەن جوعارى وقۋ ورىندارىن ءبىتىرىپ كەلىپ، قالا، اۋدان، اۋىلداردا جۇمىس تابا الماي جۇرگەن جاستاردى ءار- ءتۇرلى ماماندىقتارىنا قاراماستان، جاپپاي «5 جىلدىق» كەلىسىممەن "ساقشى (ءپوليسيا) " قىزمەتىنە الدى، ال ودان كەيىن جەر- جەردەگى وقىماعان، بوس جۇرگەن ازاماتتاردى "كومەكشى ساقشى" قىزمەتىنە الدى، ءارى ولاردى ارنايى دايىندىقتان وتكىزدى. جۇمىس تاپپاي جۇرگەن مۇعالىم دە، پوچتاشى دا، كىتاپحاناشى دا ءاپ ساتتە سارالا كيىمدى “ساقشى” بولىپ شىعا كەلدى. بۇل «5 جىلدىق» كەلىسىم شارتتان- اق، شىڭجاڭداعى جۇرگىزىلىپ جاتقان زاڭسىز ( مەملەكەت زاڭىندا جوق ) ساياساتتىڭ "5 جىل بويى جۇرگىزىلەتىن" اڭعارۋعا بولادى.
ءۇشىنشى: قالا، اۋدان، اۋىلدارعا دەيىن ادەمى اتى "ساياسي ۇيرەنۋ ورتالىعى" زاتى "تۇرمە" بولعان، كونسلاگەرلەر سالدى، كەي جەرلەردە ەسكى عيماراتتاردى دا وسىنداي ورتالىق قا اينالدىردى. قازىرگى تاڭدا بۇل ورتالىقتاردا مەجەدەن تىس ادامدار قامالىپ، ەندى قامالاتىندار ۇزىن- سونار كەزەككە تۇرعىزىلۋ دا.
ءتورتىنشى: 2017 جىلدىڭ قاڭتار ايىنان باستاپ بارلىق قازاقتاردىڭ شەتەلگە شىعاتىن تولقۇجاتتارىن(ۇكمەت زاڭدى ءتۇردا وزدەرى بەرگەن) "بارماق بەدەرى ارقىلى قايتا تىركەيمىز" دەگەن سىلتاۋمەن الداۋ ارقىلى تۇگەلىمەن جيناپ الدى. سودان بەرى ءبىر جىل بولدى، تەحنيكاسى دامىعان قىتاي ۇكىمەتى حالىقتىڭ زاڭدى تولقۇجاتىن بەرمەي وتىر.
بەسىنشى: قازاقستانعا كوشىپ كەتىپ، ىقتيار حاتپەن جۇرگەن جانە وقىپ جاتقان وقۋشىلار مەن ستۋدەنتتەردى دە قىتايعا الداپ شاقىرىپ الىپ، ولاردىڭ دا تولقۇجاتىن جيناپ الدى. ، وتباسى قازاقستان دا تۇراتىن، تولقۇجاتتارىنان ايرىلعان، كىم- كورىنگەننىڭ ۇيىندە جاتىپ- قونىپ پاسىز تورعايدىڭ كۇيىن كەشىپ، قاڭعىپ جۇرگەن قازاقتاردىڭ دا ءبىرازىن اتى شۋلى «ساياسي ۇيرەنۋ لاگەرىنە» توعىتتى.
التىنشى: اياق استىنان «ساقشى» مەن «كومەكشى ساقشى» بولعانداردى پايدالانىپ، "بۇرىن قازاقستانعا تۋىسشىلاپ نە ساياحاتتاپ بارعانداردى، قازاقستان عا قونىس اۋدارعاندار مەن كوشكىسى كەلگەندەردى، قازاقستاندا وقىپ جۇرگەن ستۋدەنتتەر مەن وقۋشىلاردى، قازاقستانداعى تۋىستارىمەن سويلەسكەندەر مەن ۆاتساپ ورناتقانداردى انىقتاپ، اتالمىش «ساياسي ۇيرەنۋ لاگەرىنە» ءتۇرلى سىلتاۋلارمەن جازىقسىز قامادى، «ءشاش ال دەسە، باس الاتىن» بۇل بەلسەندى اپەرباقاندار، ءتىپتى جوسپاردى ەسەلەپ ورىندادى، ولاردىڭ بۇل ەڭبەگىن جوعارى باعالاعان شىڭجاڭ بيلىگى، ۇستاپ اكەلگەن ءار ادامى ءۇشىن جوعارى سياقى(اقشالاي) بەردى.
جەتىنشى: وسى "ساياسي ۇيرەنۋ لاگەرىندە" جاتقانداردىڭ ىشىندەگى كوزى اشىق، كوكىرەگى وياۋ، اقيقات- شىنشىل، رۋحى بيىك، ارى تازا ازاماتتاردى ەش سەبەپسىز، ءتۇرلى- ءتۇستى جالعان جالالا- سىنىق سىلتاۋلارمەن الدىن 15 جىلعا، ارتىن 3 جىلعا دەيىن جازىقسىز سوتتادى. بۇل سوتتارعا ولاردىڭ ەشبىر تۋىستارىن شاقىرمايدى، ادۋاكات الدىرتپايدى جانە سوت شەشىمىن دە بەرمەيدى، سوتتالعانى تۋرالى تەك اۋىزشا عانا مالىمەت بەرەدى.
سەگىزىنشى: ونداعى قازاقتاردىڭ قازاقستانداعى بىرگە تۋعان تۋىستارىمەن بايلانىسىن ءۇزىپ، ءۇش قايناسا سورپاسى قوسىلمايتىن ۇلتى قىتاي ازاماتتارىن، قازاقتاردىڭ ۇيىنە ءماجبۇرلى تۇردە "جاساندى تۋىسقان" بولاسىڭدار دەپ، بىرگە تۇرىپ بىرگە تاماقتانۋعا بۇيرىق شىعاردى، ءسويتىپ «بىرگە تاماقتانۋ، بىرگە ۇيىقتاۋ، بىرگە جۇمىس ىستەۋ» باعدارلاماسىن جاسادى. وعان قارسى بولعانداردى تۇرمەگە توعىتتى.
توعىزىنشى: قىتاي ۇلتىمەن تۋىسقان بولعان قازاقتاردى، قىتاي ۇلتىمەن ۇيلەنۋگە ماجبۇرلەپ، ەرىكسىز ۇيلەنگەندەرگە ءۇي، قىزمەت، اقشا بەرىپ باسقا قازاقتارعا راديو- تەلەديدار ارقىلى ۇگىت جاسادى. سونىڭ سالدارىنان كەي قاراكوز قارىنداستارىمىز قارا قىتايعا امالسىز ءتيىپ كەتىپ جاتىر.


ونىنشى: قازاقستانعا كوشىپ كەتكەن، ءارى قازاقساتان ازاماتتىعىن العان ازاماتتاردى قىتايداعى «نوپوسىن(تىركەۋ) ءوشىرۋ»- دەگەن جەلەۋمەن الداپ، قىتايعا شاقىرىپ الىپ، باسسالىپ ۇستاپ ولاردىڭ تولقۇجاتتارىن تارتىپ الىپ، وزدەرىن «ساياسي ۇيرەنۋ» لاگەرىنە اكەتتى. سونىڭ سالدارىنان قازاقستاندا قاراۋسىز قام كوڭىل ءتىرى جەسىر انالار مەن اكە- شەشەسىنەن ايىرىلعان كوزدەرى جاۋدىرەگەن ءتىرى جەتىم بالالار قالدى.
ءونبىرىنشى: قىتايدا، قازاق ءتىلدى مەكتەپتەر، قىتاي ءتىلدى مەكتەپتەرگە تولىعىمەن قوسىلىپ جىبەرىلدى ءارى وندا ەشبىر ادامنىڭ انا تىلىندە سويلەۋىنە جول بەرىلمەدى. مەكتەپتەردە، قىزمەت جانە الەۋمەتتىك ورىنداردا تەك قىتاي تىلىندە سويلەۋگە قاتاڭ بۇيرىق بەردى.
ونەكىنشى: قىتايدىڭ ءدىن ىستەر مەكەمەسى، قىتايداعى يسلام ۋنيۆەرسيتەتتەرىمەن ءدىنني وقۋ ورىندارىن ءبىتىرىپ، ءار مەشىتتەرگە "يمام" ەتىپ تاعايىنداعان مولدالار اياق استىنان ءتۇرلى سىلتاۋلارمەن تۇرمەگە قامالدى، ولاردىڭ الدىن سول تۇرمەدە ء"وزىن ءوزى ءولتىردى" دەگەن اتپەن قورلىقپەن ءولتىردى.
ء ونۇشىنشى: مولداسىز قالعان قالا، اۋدان، اۋىلدارداعى نەشە جۇزدەگەن مەشىتتەر جابىلىپ، ءبىرازى قيراتىلدى، ال قالعانىن "تۇنگى كلۋبتارعا" اينالدىردى. وندا ءتۇرلى اراق- شاراپ ىشەتىن ويىن ساۋىق كەشتەرىن ۇيىمداستىردى، ال اراق ىشپەگەن ادامداردى «سەنىڭ يدەياڭدا اۋىتقۋ بار»- دەم، تاعى دا سول «ساياسي ۇيرەنۋ» دەيتىن تۇرمەگە قامادى.
ءونتورتىنشى: مولداسىز قالعاندىقتان قالا، اۋدان، اۋىلدارداعى قايتىس بولعان ادامداردى "جانازاسىز" جەرلەتكىزدى، سەبەبى جانازا شىعارۋ قۇقىعى تەك يمامدارعا عانا ءتان بولعاندىقتان، يمامدار تۇرمەدە وتىر، ەگەر ءدىنني ساۋاتى بار ادامدار جانازا شىعارسا، ولاردى بىردەن تۇرمەگە قامادى، جانازاسىز جەرلەنىپ جاتقانداردا بار.
ونبەسىنشى: قازاقتارعا ءدىنني جانە ۇلتتىق سالت- ءداستۇرىن، مەرەكەلەرىن وتكىزۋگە تيىم سالىپ، قىتايدىڭ ۇلتتىق مەرەكەسى بولعان "قىتاي جاڭا جىلىن (شاعان)" تويلاۋعا بۇيرىق بەرىپ تويلاتتى. ءارى ولاردىڭ ۇيلەرىنىڭ ماڭدايشالارىنا قىتايدىڭ ءداستۇرلى سالتى بويىنشا "جاڭا جىلدىق جازبالاردى" تىپتەن تاۋدا، قىستاۋدا وتىرعان قازاقتاردىڭ "كيىز ۇيىنە" دەيىن جاپسىرتقىزدى.

ونالتىنشى: قازاقستاندا وقىپ جاتقان ستۋدەنتتەر 2017- 2018 قىسقى كانيكۋلدا قىتايداعى اكە- شەشەسىنە بارعاندا، ولاردىڭ دا تولقۇجاتتارىن تارتىپ الىپ، الدىن «ساياسي ۇيرەنۋ» ورتالىعىنا قاماعان. قازىر ولار وقىپ جاتقان وقۋلارىنان قالىپ وتىر.
ونجەتىنشى: شىڭجاڭ جەرگىلىكتى ساقشىسى، قىتايدان قونىس اۋدارىپ، قازاقستاندا تۇرىپ جاتقان قازاقستان ازاماتتارىنان، «ولاردىڭ مەكەن- ءجايىن، وتباسى جاعدايىن، ايلىق نە جىلدىق تابىسىن، نەشە بالاسى بارىن، ولاردىڭ اتتارىن، قاي مەكتەپتە وقىيتىنىن، باسقا جەرگىلىكتى تۋىستارى، دوستارى تۋرالى، ءتىپتى وڭ جاق سول جاق كورشىلەرى تۋرالى، قانداي ماركاداعى قولتەلەفون ۇستايتىنىن، ونىڭ IMEI COD»- تۋرالى ءتۇرلى اقپاراتتاردى بەرۋگە ماجبۇرلەپ، ەگەر بەرمەگەن جاعدايدا قىتايداعى تۋىستارىنا قىسىم جاسادى. سول ارقىلى قىتايدىڭ شىڭجاڭ بيلىگى شپيوندىق ماقساتپەن قازاقستان ازاماتتارىنىڭ جەكە اقپاراتىن جىيدى.
مىنە وسىنداي عاسىردا ادامزات وركەنيەتى وسكەن ورەلى كەزەڭگە اياق باسقان شاقتا، قىتايدىڭ شىڭجاڭ بيلىگى ەرتەدەگى فاشيستەردىڭ گەنوسيد جاساعان جابايىلىق ءداۋىرىن قايتالاپ، قازاق ۇلتىن اياۋسىز جازالاپ، گەنوسيد جاساپ جاتىر.

قازاقستان سىرتقى ىستەر ءمينيسترىنىڭ باتىل قادامى جانە
ۇلتجاندى ازاماتتاردىڭ ەرلىگى


قانداستارىمىزعا جاسالىپ جاتقان زۇلىمدىقتى كورىپ، تىنىش جاتا الماعان قازاقستانداعى ەلىم دەگەن ۇلتجاندى، اقيقاتتىڭ اقتۋىن ۇستاعان ازاماتتار- شىڭجاڭ بيلىگىنىڭ قازاقتارعا جاساپ جاتقان وسى گەنوЦيد ارەكەتىن انىق ايعاق، ناقتىلى فاكتىلەرمەن اشكەرەلەدى، ولار ەل ىشىنەن جان- جاقتىلى دالەل- دايەكتەر جيناپ، بىرنەشە رەت باسپا ءسوز ءماسليحاتىن وتكىزىپ، اقپارات قۇرالدارى ارقىلى بۇكىل قازاقستانعا، الەم ەلدەرىنە جەتكىزدى. قازاقستان رەسپۋبليكاسىنىڭ سىرتقى ىستەر مينيسترلىگىنە بىرنەشە رەت ناقتى- فاكتىلەر ارقىلى كوپتەگەن ارىزدار كىرگىزدى، سونىڭ ارقاسىندا قازاقستان سىرتقى ىستەر ءمينيسترى قىتاي ەلشىسىمەن كەزدەستى، قىتاي ەلىنە بارىپ قىتاي سىرتقى ىستەر مينيسترىمەن كەزدەستى. اقجول ءپارتياسى دا قانداستاردىڭ مۇڭ- زارىن جازىپ قىتاي باسشىسىنا جەتكىزدى. ال سوڭىندا قىتايدا جازىقسىز قامالعان ازاماتتار بويىنشا قىتاي ۇكىمەتىنە دەپلوماتيالىق نوتا جولدادى. بۇل قازاقستاندىقتار ءۇشىن دە، قىتايداعى قانداستار ءۇشىن دە ۇلكەن دەمەۋ، ۇلكەن قۋانىش بولدى.

چەن شۋانگونىڭ ۇيقىسى قاشتى


قىتايدا قورعانسىزدىڭ كۇنىن كەشكەن تۋىستارىنىڭ مۇڭ- زارىن ەستىگەن قازاقستانداعى حالىق ۇلتجاندى ازاماتتار باستاعان توپتىڭ ەڭبەكتەرىن جوعارى باعالاپ، ولاردى جان- جاقتان قولداپ، شامالارىنىڭ كەلگەنىنشە تۇس- تۇستان اقپارات جيناۋعا كومەكتەستى.
قازاقستان بيلىگىنىڭ، قازاقستان حالقىنىڭ، ۇلتجاندى ازاماتتاردىڭ شىڭجاڭداعى قازاقتارعا جاسالىپ جاتقان زاڭسىزدىقتىڭ بەتىن اشىپ، ولارعا اراشاشى بولۋعا وتە بەلسەندى بولعانى- (تيبەتتىكتەردى جۋاسىتقانداي) قازاقتاردى "قىتايلاستىرامىن" دەگەن شىڭجاڭ باسشىسى چەن شۋانگونىڭ بەرەكەسىن الىپ، ۇيقىسىن قاشىردى. «قازاقتاردىڭ قازاقستانى بار، ال تيبەتتەردىڭ تيبەتستانى جوق» ەكەنىن ويلاماي قالدى اسىرە ۇلتشىل باسشى. ەندى قازاقستانداعى وسى ءبىر بەلسەندى توپتى «قالاي توقتاتۋ كەرەك؟ بۇلاردىڭ اياعىن قالاي شالۋ كەرەك؟ »- دەپ، كۇنى- ءتۇنى اقىلداسىپ، وتكەنگە كوز جىبەرىپ مىناداي سۇمدىق ويعا توقتالدى. .

قازاق پەن قازاقتى جاۋلاستىرۋ نەمەسە «50 تىيىن» ساياساتى


شىڭجاڭ بيلىگىنىڭ قازاقتارعا جاساپ جاتقان زورلىق- زومبىلىعىنا قارسى ويلاماعان جەردەن قازاقستاندىق ۇلتجاندى ازاماتتارىنىڭ بەلسەندى ارەكەتىنە جان- جاقتى كەدەرگى جاساۋ ءۇشىن شىڭجاڭ باسشىسى بارىن سالۋدا. ول قازاقستانداعى قىتاي كونسۋلى ارقىلى، قىتايدان كەلگەن، قىتايعا بۇيرەگى بۇراتىن، ءوز مۇددەسىن ۇلت مۇددەسىنەن جوعارى قوياتىن جەكە تۇلعالاردى، توپتاردى تاۋىپ، ولارعا ءتۇرلى داستارحان ءجايىپ، ءتۇرلى مۇحتاجدىقتارىن قاناعاتتاندىرىپ، ەكونوميكالىق جاقتان دەمەپ، قىتاي ءۇشىن جۇمىس ىستەۋگە ءاپ- ساتتە كوندىرىپ، جەتەكتەپ الدى.
قىتاي بيلىگى ەجەلدەن- اق ەل ءىشى- سىرتىنداعى قىتايدىڭ كومۋنيستىك بيىلىگىنىڭ زىمياندىعىن اشكەرە ەتكەن دەموكراتتارعا قارسى قولدانىپ كەلگەن ءتاسىلىنىڭ ءبىرى- «50 تيىن (ۋماۋ)» دەگەن اتپەن بەلگىلى، ياعنىي قىتايدى اشكەرەلەگەن دەموكراتتارمەن، ۇلتشىلداردى «قارالاۋ، كۇيە جاعۋ» ماقساتىندا، ارنايى جازعىشتار توبىن جاساقتاپ، ولارعا ءاربىر جازعان ءارىبى ءۇشىن «50 تيىن» قالاماقى بەرىپ وتىراتىن، مەملەكەتتىك ساياسات جۇرگىزىپ وتىرادى. بۇل ءادىستى ەندى شىڭجاڭ باسشىسى قازاقستانداعى بەلسەندى توپتارعا قولدانا باساتادى دەۋگە بولادى. ءسويتىپ شىڭجاڭ ايماعىنداعى قازاقتارعا جاسالىپ جاتقان ءتۇرلى زاڭسىز زورلىق- زومبىلىقتار تۋرالى اقپاراتتاردى بارىنشا جوققا شىعارۋ ءۇشىن، قازاقستاننان جاساقتاعان ءوزىنىڭ ادال مۇريتتەرىنە ءتۇرلى ماقالالار جازدىرىپ، سول ماقالالار ءۇشىن «50 تىيىن» ساياساتىن دا جاندى قولدانىپ جاتقاننى بايقالادى. قۇلقىنىنا قۇل بولعان بۇل جالدامالى جازعىشتار قىتايداعى قازاق ماسەلەسىن كوتەرىپ جۇرگەن ۇلتجاندى ازاماتتاردى «ەكى ەل اراسىنا وت جاعۋشى، ىنتىماقتى بۇزۋشى، قىتايدا ءبارى جاقسى، ءبارى زاڭ بويىنشا جاسالىپ جاتىر»- دەپ، شىمىرىكپەستەن جالا جاۋىپ، شيماي- شاتباقتارىن جازا باستادى.

ۇلت مۇددەسىندە ۇلى الاش جولىن ۇستانايىق! ! !